| e-texts navigator |
| Wylie |
275a1 རྣམས་ཕྱག་དང་པོ་ན་འཛིན་པ། གཡོན་པས་རང་དང་འདྲ་བའི་ཤེས་རབ་མ་རྣམས་ལ་འཁྱུད་པ། བཛྲ་དྷ་རས་དབང་བསྐུར་བ། མཚན་དང་དཔེ་བྱད་དུ་བཅས་པ། སྙན་ཆ་དང་མགུར་ཆུ་དང་། དཔུང
275a2 རྒྱན་དང་། སེ་མོ་དོ་ལ་སོགས་པས་མཛེས་པར་བྱས་པ་དང་། སྒེག་མོ་ལ་སོགས་པ་རྣམས་དང་། དཀར་པོ་དང་། སེར་པོ་དང་། དམར་པོ་དང་། ལྗང་གུ་ལ་ལ་སོགས་རང་རང་གི་མདོག་དང་། ལག་ཆ་འཛིན་པ
275a3 རྣམས་ཀྱིས་དཀྱིལ་འཁོར་གྱི་གདན་ལ་འཁོད་པར་གྱུར་ཏོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། དཀྱིལ་འཁོར་གྱི་གླེང་གཞིའི་ལེའུ་སྟེ་དང་པོའོ།། །། དེ
275a4 ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་དགྱེས་པ་ཆེན་པོ་དེ་བསྙེངས་པ་མི་མངའ་བའི་ཏིང་ངེ་འཛིན་ལ་སྙོམས་པར་ཞུགས་ནས། གནས་བསྲུང་བ་འདི་ལྟ་བུ་གསུངས་སོ།། དངོས་ཐོ
275a5 མེད་ལས་དངོས་པོའི་ཚོགས།། སྣ་ཚོགས་རྣམ་པར་འབྱུང་བར་འགྱུར།། ངོ་བོ་ཉིད་ཀྱིས་ཡང་དག་པར།། དངོས་རྣམས་ཉིད་ན་དངོས་མེད་པའོ།། ཆོས་ཀྱི་དབྱིངས་ཀྱི་ཁྱད་པར་ལས།། རྒྱུ་ཡི་དངོས་པོ་གསལ་བྱས
275a6 ཏེ།། གནས་ནས་གནས་བསྲུང་རྣམ་པར་བརྩམ།། ཨ་ཡིག་དང་པོ་ལྔ་པར་ལྡན།། བཅུ་གཅིག་པ་ཡི་ཐིག་ལེ་ཡིས།། སྤྱི་བོ་གཙུག་ཏུ་བརྟག་པར་བྱའོ།། གྲངས་ལས་འཁོར་ལོའི་རྩིབས་བཅུ་པ།། རིག་པ་ཅུང་ཟད་སེར
iiif viewer powered by OpenSeadragon
