| e-texts navigator |
| Wylie |
274b1 བོན་བསམ།། ཧཱུཾ་གནས་བསྡུ་བ་བརྩམ་པ་དང་།། དཀྱིལ་འཁོར་རྡོ་རྗེ་ཀུན་ལས་སྐྱེས།། དེ་རུ་ཡི་གེ་འབྲུ་བསམ་མོ།། ཡཾ་རཾ་བཾ་ལཾ་ཏཾ་བྷྲཱུཾ་ཧཱུཾ། དེ་ནས་དགྱེས་པ་ཆེན་པོ་དེ། སྐུ་གསུང་ཐུགས་རྡོ་རྗེའི་ཏིང་ངེ་འཛིན་ལ
274b2 སྙོམས་པར་ཞུགས་ཏེ། དེ་ཉིད་སྔགས་ཀྱི་བདག་པོ་ཆེན་པོར་བྱིན་གྱིས་བརླབས་སོ།། བརླབས་མ་ཐག་ཏུ་ཞལ་གསུམ་ཕྱག་དྲུག་པར་སྣང་བར་གྱུར་ཏོ།། དེ་ནས་དེ་ཉིད་འདོད་ཆགས་ཆེན་པོའི་ཏིང་ངེ་འཛིན་ལ་སྙོམས
274b3 པར་ཞུགས་ཏེ།། འཁོར་སྐུལ་བསྡུས་ནས་ཤེས་རབ་མ་དང་དགའ་བར་བྱས་སོ།། དེ་ནས་ཡང་དཀྱིལ་འཁོར་འབྱིན་པའི་སྔགས་འདི་གསུངས་སོ།། ཨོཾ་ཨཱཿཧཱུཾ། སྐུ་གསུང་ཐུགས་ཀྱི་དཀྱིལ་འཁོར་རྣམས།། བཙུན་མོ
274b4 ཡུམ་གྱི་བྷ་ག་ལ།། རིམ་པ་བཞིན་དུ་དགོད་བྱ་སྟེ།། གསང་བ་ཡུམ་གྱི་དམ་ཚིག་རྣམས།། ལྡན་པར་བྱ་ཕྱིར་གདོན་པར་བྱ།། དེ་ནས་ཐུགས་རྗེ་ཆེན་པོ་དང་ལྡན་པའི་དཀྱིལ་འཁོར་གྱི་བདག་པོ་ལ་སོགས་པ་རྣམས།།
274b5 དཀྱིལ་འཁོར་གྱི་ལྟེ་བ་དང་རྩིབས་དང་རྩིབས་མཚན་དང་། གྲུ་ཆད་དང་། སྒོ་བཞི་གོ་རིམ་བཞིན་དུ་གནས་པར་གྱུར་ཏོ།། དེ་ཡང་རྣམ་པར་སྣང་མཛད་དང་། མི་སྐྱོད་པ་དང་། དཀོན་མཆོག་དཔལ་དང་། ཚེ་དཔག་ཏུ
274b6 མེད་པ་དང་། གྲུབ་པ་གདོན་མི་ཟ་བ་རྣམས་དང་། དཀར་པོ་དང་། མཐིང་ག་དང་། དམར་པོ་དང་། སེར་པོ་དང་། ལྗང་གུའི་མདོག་ཏུ་སྣང་བ་དང་། འཁོར་ལོ་དང་། རྡོ་རྗེ་དང་། རིན་པོ་ཆེ་དང་། པདྨ་དང་། རལ་གྲི
iiif viewer powered by OpenSeadragon
