| e-texts navigator |
| Wylie |
274a1 གསོལ་ཏོ།། སྐུ་གསུང་ཐུགས་ཀྱི་བདག་པོ་མཆོག། དེ་བཞིན་གཤེགས་པ་ཀུན་གྱི་གནས།། སྐུ་གསུང་ཐུགས་ཀྱི་གསང་བ་རྣམས།། རབ་དགྱེས་ཁྱོད་ཀྱིས་བཤད་དུ་གསོལ།། ཞེས་བརྗོད་པས།། ཉིད
274a2 ཀྱིས་གསོལ་བ་བཏབ་པར་མཁྱེན་ནས། ཟིལ་གྱིས་གནོན་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། ཨོཾ་མ་ཧཱ་ཤཱ་ནྱ་ཏཱ་ཛྙཱ་ན་བཛྲ་སྭ་བྷ་ཝ་ཨཱཏྨ་ཀོ&ཧཾ།། ངོ་བོ་ཉིད་ཀྱིས་སྟོང་པ་ལ།། བདག་དང
274a3 ཆོས་དང་རྣམ་རིག་དང་།། གཟུང་དང་འཛིན་པ་རྣམ་སྤངས་པ།། སྟོང་པ་ཉིད་ཀྱི་རང་བཞིན་ནོ།། སྟོང་ཉིད་ཡེ་ནས་གནས་པ་ལས།། ཤེས་པས་མཐོང་བའི་ཡུལ་མིན་ཏེ།། གང་གིས་ཡེ་ཤེས་བསྐྱེད་འགྱུར་བ།། དེ་ཡིས
274a4 ཡང་དག་རྣམ་པར་མཐོང་།། ཞེས་གསུངས་སོ།། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས། སེམས་བསྐྱེད་པ་འདི་གསུངས་སོ།། ཆོས་ཀྱི་དབྱིངས་ཀྱི་རང་བཞིན་ལས།། སྙིང་རྗེའི་ཡུལ་ནི་རྣམ་བསྒོམ
274a5 སྟེ།། ཆོས་གཅིག་པོ་འདི་རྩ་བའི་ཕྱིར།། ཆོས་རྣམས་ཀུན་དང་འདྲ་བར་གསུངས།། དེ་བས་ཤེས་རབ་སྙིང་རྗེ་ནི།། ཐེག་པའི་རང་བཞིན་ཁོ་ནའོ།། གཞན་གྱི་དོན་དུ་སེམས་བསྐྱེད་ཕྱིར།། བྱམས་དང་དགའ་དང་བཏང
274a6 སྙོམས་སོགས།། རྣལ་འབྱོར་པ་ཡིས་ལྡན་པར་བྱ།། སེམས་ཅན་དོན་ལ་དམིགས་པ་དང་།། ཆོས་ཙམ་ལ་ནི་དམིགས་པའོ།། མི་དམིགས་པ་ལ་དམིགས་པ་ཡིས།། ཚད་མེད་བཞི་པ་བསྒོམ་པར་བྱ།། དེ་ནས་རྒྱུ་ཡི་ས
iiif viewer powered by OpenSeadragon
