| e-texts navigator |
| Wylie |
271b1 སོགས་རླུང་བཞི་གནས།། ལུས་ལ་རྩ་བྲན་སྟོང་ཕྲག་ལྷག་ཁྱད་པར་གནས་ཏེ་རླུང་ཡང་ཁྱབ།། རུས་མགོ་གསུམ་བརྒྱ་དྲུག་ཅུ་ལ།། རྩ་ཡི་ཁམས་སུ་དེ་ཙམ་རེ། ཁྱབ་བྱེད་རླུང་དུ་དེ་ཡང་གྲགས།། དེ་རུ་འོད་ཀྱི་ཐིག་ལེ
271b2 རེ།། དེ་ལས་གྱུར་བ་གསུང་རྡོ་རྗེ།། དེ་ནི་གསུང་གི་རྡོ་རྗེ་འབར།། དེ་ལས་གྱུར་བ་རྡོ་རྗེར་གནས།། དེ་ནི་ཐུགས་ཀྱི་རྡོ་རྗེ་འབར།། མཁས་པས་སྤྲོ་བསྡུ་བྱས་པ་ཡིས།། ཕར་འཕྲོས་པས་ནི་དགྲ་བགེགས
271b3 འདུལ།། སླར་འདུས་རང་གི་བག་ཆགས་བསྲེག། དེ་ནི་ལས་ཀྱི་རྡོ་རྗེ་འབར།། ཕུང་པོ་རྡོ་རྗེས་གཏམས་བྱས་ནས།། རྣམ་པར་ཤེས་པ་རྡོ་རྗེར་བསྒོམས།། རྟག་ཏུ་དེ་ལྟར་དེ་གནས་པ།། སྐུ་ཡི་རྡོ་རྗེ་འབར་བ་ཡིན།། དེ
271b4 ལ་དབང་དང་བྱིན་བརླབས་པས།། ཡོན་ཏན་རྡོ་རྗེ་འབར་བའོ།། སྐུ་གསུང་ཐུགས་དང་ཡོན་ཏན་ལས།། རིགས་ཀྱི་བདག་པོ་ཡབ་ཡུམ་དང་།། དེ་ལྟར་རྫོགས་པའི་ཀུ་མ་ར།། ཀུན་གཞིའི་རྣམ་ཤེས་ཉིད་དུ་འདོད།། དེ
271b5 ཡང་རྒྱུ་ཡི་ཧཱུཾ་ལས་བསྐུར།། དེ་ཡུལ་དོན་གྱིས་རྒྱས་འདེབས་མ།། གཉིས་སུ་མེད་པ་རྩ་བའི་དཀྱིལ།། དེ་ཡི་ཁྱད་པར་བྱིན་བརླབས་ལས།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཕྲག་དོག་སེར་སྣ་དང་།། སྒྲིབ
271b6 པ་ལུང་དུ་མ་བསྟན་བཞི།། དེ་ལྟར་མི་དགེ་བཅུ་པ་ནི།། ཧཱུཾ་རིང་བཅུ་ཡིས་ས་བོན་ལས།། སོ་སོའི་རང་སྔགས་རྟེན་སྟོབས་ཀྱིས།། བརྗོད་པས་ཁྲོ་བོ་བཅུ་རུ་གྱུར།། དེ་ཡི་ཆ་འཛིན་ཤེས་པ་བཅུ།། ཧཱུཾ་ལ་བརྟེན་པ་སྔ་མ
iiif viewer powered by OpenSeadragon
