| e-texts navigator |
| Wylie |
269a1 འཁོར་གྱི་ཁྲོ་བོ་དང་། ཁྲོ་མོ་དང་། ཕོ་ཉ་དང་། མངག་གཞུག་ལ་སོགས་པས། སྟོན་པ་ལ་ཞུས་པ་འདི་སྐད་ཅེས་གསོལ་ལོ།། ཨེ་མ་ཧོ་སྟོན་པ་གསང་བའི་བདག། རྒྱས་པར་བཀའ་སྩལ་ཞུ་བ
269a2 རྫོགས།། བསྡུས་པའི་མན་ངག་རྨད་པོ་ཆེ།། བདག་ཅག་རྣམས་ལ་བཀའ་སྩོལ་འཚལ། ཞུས་པས།། དེ་ནས་སྟོན་པས་འཁོར་རྣམས་ལ། གསང་བ་དང་། གསང་ཆེན་དང་། ཡེ་ཤེས་སྙིང་པོ་དང་ལྡན་པར་བྱས་ནས།།
269a3 ལེགས་སོ་འཁོར་གྱིས་ཞུ་བ་ལེགས།། བསྡུས་པའི་མན་ངག་ཞུ་འདོད་ན། ཁྱེད་ཅག་ང་ལ་གུས་པར་ལྷོགས།། དབང་དང་དམ་ཚིག་ལྡན་བྱོས་ལ།། གནས་དང་གྲོགས་དང་དུས་ཚེས་དང་།། རྫས་དང་ཡོ་བྱེད་ལྡན་བྱོས
269a4 ལ།། ཏིང་འཛིན་འདི་ལ་གཙོར་རྟོགས་ཤིག། རྟེན་དང་དཀྱིལ་འཁོར་གསལ་བྲིས་ལ།། བསྒྲུབ་ན་དངོས་གྲུབ་མྱུར་དུ་ཐོབ།། ཅེས་བཀའ་སྩལ་པས། ཡང་འཁོར་གྱིས་ཞུས་པ། སེམས་ཅན་སངས་རྒྱས་ཇི་ལྟར
269a5 སྨིན།། དེ་རྒྱུ་ཅི་དང་ཅི་ལས་བྱུང་།། སེམས་ཅན་སངས་རྒྱས་སུ་བྱ་བ།། དེ་ལ་ཐབས་ནི་གང་གིས་བྱ།། ཞེས་པས་ལན་དུ། སེམས་ཅན་སངས་རྒྱས་རྒྱུ་གཅིག་སྟེ།། ཡབ་ཡུམ་འདུས་པའི་སེམས་ལས་བྱུང་།། དངོས་པོ
269a6 རང་ག་སེམས་ཅན་རྒྱུ།། ཏིང་འཛིན་སྦྱོར་བའི་དཀར་དམར་ཐིག། སངས་རྒྱས་སྨིན་པའི་རྒྱུ་རུ་འདོད།། སེམས་ཅན་བླ་མེད་སྒྲུབ་འདོད་ན།། རང་སེམས་བརྟག་པ་ཐམས་ཅད་མཆོག། ཅེས་གསུངས་སོ།། རང་སེམས
iiif viewer powered by OpenSeadragon
