| e-texts navigator |
| Wylie |
268b1 རོ།། གབ་པ་གསང་བའི་རྒྱུད་ལས། ཡོངས་སུ་གཏད་པའི་ལེའུ་སྟེ་བཅུ་གཉིས་པའོ།། །། རྡོ་རྗེ་ཕུར་པའི་ཕྲིན་ལས་འཁོར་ལོ་གབ་པ་གསང་བ་རྒྱུད་ཀྱི་རྒྱལ་པོ་རྫོགས་སོ།། །། གབ་པ་འཁོར་ལོའི་རྒྱུད་ཨུ
268b2 རྒྱན་གྱི་མཁན་པོ་རྡོ་རྗེ་ཟོད་ཕྲེང་དང་བོད་ཀྱི་ལོ་ཙཱ་བ་མང་ཡུལ་གྱི་ལྕེ་ཀུ་ཀུ་ར་ཛ་དང་བྲང་ཏི་ཛ་ཡ་རཀྵི་ཏས་བསྐུར་ཅིང་ཞུས་ཏེ་གཏན་ལ་ཕབ་པའོ།། །། @#།། རྒྱ་གར་སྐད་དུ། བཛྲ་ཛ་ལ་གུ
268b3 ཡ་ཏནྟྲ། བོད་སྐད་དུ། རྡོ་རྗེ་འབར་བ་གསང་བའི་རྒྱུད། བཅོམ་ལྡན་འདས་དཔལ་འཇིགས་བྱེད་ཀྱི་རྒྱལ་པོ་ལ་ཕྱག་འཚལ་ལོ།། འོག་མིན་གྱི་གནས་བཞི་དང་སྙིང་པོ་མེ་ཏོག་གིས་བརྒྱན་པ་ན། འཁོར་རྣམ་པ་གཉིས
268b4 ཀྱི་ནང་ན། སྐུ་མདུན་དང་རྒྱབ་མེད་པར་ཕྱོགས་བཞིར་ཐལ་ལེ་བ། དུས་རྟག་ཏུ་ཏིང་ངེ་འཛིན་ལ་བཞུགས་པ་ནི། ཆོས་ཀྱི་སྐུ་དང་འབྲེལ་བའི་ངོ་བོ་ཉིད་ཀྱི་དོན་ལ་གནས་སོ།། སྐུ་མཚན་དང་དཔེ་བྱད་དུ་ལྡན་པས།
268b5 འཁོར་གྱི་ནང་དུ་ཆོས་ཀྱི་འཁོར་ལོ་བསྐོར་བ་ནི། སྨོན་ལམ་དབང་གིས་ལོངས་སྤྱོད་རྫོགས་པའི་སྐུར་བཞེངས་པ་ནི། གཞན་གྱི་དོན་དུ་བྱུང་བ་སྟེ། ཞུ་བ་སྐྲག་པའི་ཆེད་དུ་ཞལ་མཛུམ་པ་མཛད་དེ་མི་སྣང་བ་ལས། ལྷ
268b6 མོའི་དབྱངས་ཀྱིས་བསྐུལ་བ་ལས། ཐུགས་ཞི་བའི་ངང་ལས་ཁྲོ་བོ་འབར་བའི་སྐུར་བྱུང་ནས་འཁོར་རྣམས་ལ་གསང་བ་དང་གསང་ཆེན་དང་། ཡེ་ཤེས་ཀྱི་སྙིང་པོ་དང་གསུམ་གསལ་བར་བྱས་ནས་བཞུགས་པ་ལས།།
iiif viewer powered by OpenSeadragon
