| e-texts navigator |
| Wylie |
268a1 ལ་གནོད་པ་བྱེད་ན། ཙནྡན་ནམ་ཤུག་པའི་ཕུར་པ་སོར་བཅུ་གཉིས་པ་ལ་སྔགས་ལ། ཐོད་པ་མཚན་ངན་གྱི་ནང་དུ་འབྲུ་ནག་པོས་བཀང་ལ་དར་ནག་པོའི་ཅོད་པན་དང་བཅས་པས། ཧཱུཾ་ཀ་རའམ་རྣམ
268a2 པར་རྒྱལ་བར་མངའ་གསོལ་ནས། དབུས་སུ་བཞག་པར་བྱའོ།། ཕན་བྱའི་ལེའུ་སྟེ་བཅུ་གཅིག་པའོ།། །། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་རྣམས་ཀྱི་སྙིང་པོ་བྷུ་གྱི་སྔགས་ཀྱི་ཕན་ཡོན་བཅུ
268a3 གཅིག་པ་གསུངས་སོ།། ཡང་དག་སྔགས་ཀྱི་རྒྱལ་པོའོ།། དེ་བཞིན་གཤེགས་པ་རྣམས་ཀྱིས་བྷུརྒེ་གྱི་སྔགས་འདི་གསུངས་ནས་མི་སྣང་བར་གྱུར་ཏོ།། སེམས་དཔའ་ཆེན་པོ་རྒྱུད་འདི་གང་དུ་སྣང་བར་འགྱུར། ལས་ཀྱི
268a4 སེམས་དཔའ་ཉོན་ཅིག། རྒྱུད་འདི་ས་ལེ་གསེར་གྱི་གླིང་ཀང་ཀང་བ་རུ་སྣང་བར་འགྱུར་རོ།། ལས་ཀྱི་སེམས་དཔའ། རྒྱུད་འདི་ཁྱོད་ཀྱིས་ཀློགས་ཤིག་ཉོན་ཅིག་ཁྱོད་ཉིད་ལ་གཏད་དོ།། རྒྱུད་འདི་ལ་སྨོད་པ་དེས་ནི།།
268a5 ཕྱོགས་བཅུའི་དེ་བཞིན་གཤེགས་པ་ཐམས་ཅད་སྨད་པར་འགྱུར་རོ།། ལས་ཀྱི་སེམས་དཔའ་ཁང་བུ་བརྩེགས་པའི་པ་ཊར་བཅུག་ལ་ཉིན་མཚན་དུ་ཉིན་ལན་གསུམ། མཚན་ལན་གསུམ་དུ་བསྐོར་བ་གྱིས་ཤིག་འདི་ལ
268a6 བསྐོར་ཞིང་མཆོད་པས་ནི། ཕྱོགས་བཅུ་དུས་བཞིའི་དེ་བཞིན་གཤེགས་པ་ལ་མཆོད་པར་འགྱུར་རོ།། དེ་ལ་རྒྱུད་འདི་ནི་མི་ནུབ་པའི་རྒྱ་མཚན་ཞེས། ཕྱོགས་བཅུ་དུས་གསུམ་གྱི་དེ་བཞིན་གཤེགས་པས་དབང་བསྐུར
iiif viewer powered by OpenSeadragon
