| e-texts navigator |
| Wylie |
265a1 ལ་ནི་ཉུང་དཀར་རྒྱལ།། བཅིངས་ལ་ཚོན་སྣ་ལྔ་ཡིས་སོ།། སྨྲ་ལ་དུག་ཉིད་ཤིས་པར་བཤད།། རྡུལ་དུ་བརླག་ན་ཕྱག་མཚན་ནོ།། བསྟབ་ལ་ཧོམ་གཟར་ཤིས་པར་བཤད།། སེམས་དཔའ་ཆེན་པོ་རྫས
265a2 དྲུག་པོ་དེ་ལྟར་ལགས་ན། གསང་བའི་ཚིག་རྣམས་ཅི་ལྟར་ལགས།། ལས་ཀྱི་སེམས་དཔའ་ཉོན་ཅིག། ཕྲོལ་ཅིག་པ་དང་། ཕོབ་ཅིག་པ་དང་། ཆིངས་ཤིག་པ་དང་། སྨྲ་རུ་ཆུག་ཅིག་པ་དང་། གཏོགས་ཤིག་པ་དང་།
265a3 རོལ་ཅིག་ལ་སོགས་པའི་ཚིག་རྣམས་སོ།། ལས་ཀྱི་སེམས་དཔའ་གང་བགེགས་ཀྱི་དཔུང་རྣམས་གཞོམ་པར་འདོད་པ་དེ། འཁོར་ལོ་ལ་གཟུངས་ཟག་ནག་པོ་བཏགས་ལ་དུར་ཁྲོད་ཀྱི་གཡམ་པ་ལ། རྡོ་རྗེ་རྒྱ་གྲམ་དུ
265a4 བྲིས་པའི་ལྟེ་བ་ནས་བརྟོལ་ནས། གང་བགེགས་ཀྱིས་ཟིན་པའི་རྐང་པ་ནས་བཏགས་ལ། ལྕགས་ཕྱེ་ལ་བསྔགས་ཤིང་། བྱེ་བ་བདུན་འབུམ་དུ་བཟླས་པ་བྱས་ནས། ཚེར་མ་ཅན་གྱི་ཤིང་རྣམས་ལ་མེ་བཏང་ནས།།
265a5 སྔགས་དྲུག་པོས་སྦྱིན་སྲེག་བརྒྱ་རྩ་བརྒྱད་བྱས་ནས་སོ།། བགེགས་ཀྱི་དཔུང་རྣམས་འཇོམས་པར་འགྱུར་རོ།། གབ་པའི་འཁོར་ལོའི་ལེའུ་སྟེ་བརྒྱད་པའོ།། །། སེམས་དཔའ་ཆེན་པོ་དངོས་གྲུབ་ལ་བར་ཆད་བྱེད
265a6 པའི་བགེགས་ཞི་བར་བྱེད་པའི་འཁོར་ལོ་བཤད་དུ་གསོལ།། ཨེ་མ་ཧོ།། ལས་ཀྱི་སེམས་དཔའ་ཉོན་ཅིག་བགེགས་ཞི་བར་བྱེད་པའི་འཁོར་ལོ་ནི། ཀུ་ཀུ་རཱ་ཙའི་ཐོད་པ་ལ་ཀར་ཏི་ཀས་བྱུགས་ལ་དཀར་པོར་བྱས་ལ།
iiif viewer powered by OpenSeadragon
