| e-texts navigator |
| Wylie |
264b1 པོ་ལ་ཏ་ཐཱ་ཡ་ལ་སོགས་པ་བྲིའོ།། བགེགས་དེ་བཞིན་གཤེགས་པའི་ཞལ་དུ་བསྟབ་པའི་ཕྱིར། སྲོ་ལ་བྷི་ད་ཡ་ལ་སོགས་པ་བྲི་ཞིང་བཟླས་སོ།། སེམས་དཔའ་ཆེན་པོ་སྔགས་ཀྱི་འཁོར་ལོ་དེ་ལྟར་ལགས་ན། བཅའ
264b2 བའི་དུས་གང་ལགས་བཤད་དུ་གསོལ། ལས་ཀྱི་སེམས་དཔའ་ཉོན་ཅིག་དུས་ནི་ཀར་ཏི་ཀའི་དུས་ཀྱི་ཉི་མ་བཅཝོ་ལྔའི་དུས་སོ།། སེམས་དཔའ་ཆེན་པོ་འཁོར་ལོ་བཅའ་དུས་སུ། སྨྱུ་གུ་དང་སྣ་ཚ་གང་ལགས། ལས་ཀྱི
264b3 སེམས་དཔའ་ཉོན་གཅིག། སྨྱུ་གུ་ནི་ཀང་ཀའི་སྒྲོ་རྩས་སོ།། སྣག་ཚྭ་ནི་ནིམྦ་ཀའི་ཁུ་བས་སོ།། ལས་ཀྱི་སེམས་དཔའ་འཁོར་ལོ་བྲི་བའི་དུས་སུ་ཁྲོས་པའི་སེམས་དང་ལྡན་པས་བྲི་བར་བྱའོ།། སེམས་དཔའ་ཆེན་པོ།།
264b4 འཁོར་ལོ་བཅའ་བ་དང་སྣག་ཚ་དེ་ལྟར་ལགས་ན།། གཟུགས་བརྙན་གྱི་ཚུལ་དུ་བྲི་བའི་དཀྱིལ་འཁོར་དུ་ཞིག་མཆིས།། ལས་ཀྱི་སེམས་དཔའ་ཉོན་ཅིག་གཟུགས་བརྙན་གྱི་དཀྱིལ་འཁོར་གཅིག་སྟེ། བའི་རྣམ་ལྔ་དང་།
264b5 ཁྲག་ཆེན་ལས་བསྲེས་པ་འཕང་དུ་སོར་བཞི། དབྱིབས་ཟུར་གསུམ།། ཉིས་བརྩེགས་སུ་བྱའོ།། དབུས་ཀྱི་ཟུར་རྣམས་ལ་མདའ་ཡིས་བརྒྱན་པའོ།། ཟུར་དྲུག་རྣམས་ལ་ཡང་རྩང་ཆེན་པོ་དྲུག་གིས་རྣམ་པར་སྤྲས
264b6 པའོ།། སེམས་དཔའ་ཆེན་པོ་དཀྱིལ་འཁོར་དེ་ལྟར་ལགས་ན། དཀྱིལ་འཁོར་གྱི་ཆ་རྐྱེན་དུ་གསུངས་པའི་རྫས་དྲུག་པོ་གང་ལགས། ལས་ཀྱི་སེམས་དཔའ་ཉོན་ཅིག་དཔྲལ་མ་འདྲེ་གསོད་ཤིས་པར་བཤད། དབབ་པ
iiif viewer powered by OpenSeadragon
