| e-texts navigator |
| Wylie |
259b1 ཨཾ་ཀུ་ཤ་ནི་དཀར་ནག་གོ། བྱད་དུ་གཞུག་པ་ཚོན་སྣ་ལྔ་པོ་དང་། བལ་ཚོན་དྲུབ་དང་བཅས་པའོ།། སྨྱོ་བལ་དུག་གཏོར་སྡིག་ཕུར་རོ།། རྡུལ་དུ་བརླག་ན་ཉུང་དཀར་རྒྱལ་པོ་དང་།། མཚོན་ཆ་རྣམ་པ་སྣ་ཚོགས
259b2 དང་།། སྐྱེ་ཚེ་གདབ་ཕུར་ཉི་ཤུ་རྩ་གཅིག། ལྕགས་ཕྱེ་ཟངས་ཕྱེ་ཤེས་པར་བཤད།། བསྟབ་ལ་མེ་ཡི་སྦྱིན་བསྲེག་གོ། ལས་ཀྱི་སེམས་དཔའ་རྫས་དེ་རྣམས་ནི་རང་བཞིན་གྱིས་བྱིན་རླབས་ཆེ་བའོ།། གནོད་སྦྱིན་རྒོད་མ
259b3 ཁ་ལ་སོགས་པས་ཀྱང་དབང་བསྐུར་བའི་རྫས་སོ།། ངས་ཀྱང་བྱིན་གྱིས་བརླབས་ཏེ། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་རྣམས་ཀྱིས་བྱིན་གྱིས་བརླབས་ཀྱིས་འཁོར་ལོའི་ཆ་རྐྱེན་དུ་བཞག་གོ། སེམས
259b4 དཔའ་ཆེན་པོ་འཁོར་ལོའི་ཆ་རྐྱེན་དེ་ལྟར་ལགས་ན། དམོད་པའི་ཐུན་ཅི་ལྟར་ལགས། ལས་ཀྱི་སེམས་དཔའ་ཉོན་ཅིག་གུ་གུལ་ལ་སོགས་པའི་རྫས་ཐོགས་ལ། གཙོ་བོ་ནས་དཀྱིལ་འཁོར་གྱི་ལྷ་རྣམས་སྨོས་ཏེ། ཆེ་གེ
259b5 མོ་འདི་ལྷ་དང་ཕྲལ་བར་གྱིས་ཤིག་མཁར་ནག་གི་སྐུད་པ་ཐོགས་ལ། ཛཿཧཱུཾ་བཾ་ཧོའི་ཕྱག་རྒྱ་བྱས་ཏེ། དཀྱིལ་འཁོར་གྱི་ལྷ་རྣམས་སྨོས་ཏེ། ཆེ་གེ་མོ་འདི་གཟུགས་ལ་ཕོབ་ཅིག་ཅེས་བརྗོད་ལ། ཚོན་སྣ་ལྔའི་སྤྲད
259b6 པ་ཐོགས་ལ། བྱད་དུ་ཆུག་ཅིག་པ་དང་། དུག་གི་གཏོར་མ་ཐོགས་ལ། སྐྱོ་རུ་ཆུག་ཅིག་པ་དང་། ལྕགས་ཕྱེ་ཟངས་ཕྱེ་ཐོག་ལ་རྡུལ་དུ་རློགས་ཤིག་པ་དང་མེའི་དཀྱིལ་འཁོར་ཞལ་དུ་བཞེས་ཤིག་པ་ནི། དེ་བཞིན
iiif viewer powered by OpenSeadragon
