| e-texts navigator |
| Wylie |
257a1 ལྟར་ལགས་ན། ཀི་ལ་ཡ་ཆོས་ཉིད་དུ་གནས་པའི་དོན་བཤད་དུ་གསོལ། སེམས་དཔའ་ཆེན་པོ་ཉོན་ཅིག། ཆོས་ཉིད་ཀྱི་དོན་འདི་ནི་སྔར་ཕྱོགས་བཅུ་དུས་གསུམ་གྱི་བདེ་བར་གཤེགས་པ་རྣམས་ཀྱིས
257a2 ཀྱང་མ་གསུངས། མ་བྱོན་པའི་བདེ་བར་གཤེགས་པ་རྣམས་ཀྱིས་གསུང་བར་མི་འགྱུར། སེམས་དཔའ་ཆེན་པོ་ཉོན་ཅིག། སེམས་དཔའ་ཆེན་པོ་ང་ཉིད་ཀྱིས་ཀྱང་མ་བཤད་པའི་དོན་དེ་ཞུ་བ་ལགས་སོ།། བདེན
257a3 གཉིས་རྒྱུ་དང་འབྲས་བུའི་ཚུལ། ཀུན་རྫོབ་ལྷ་ཡི་དཀྱིལ་འཁོར་ཆེ།། དོན་དམ་སྙིང་པོ་སྔགས་ཀྱི་གཟུགས།། དེ་ལ་རྣམ་གཉིས་ཚུལ་དུ་གནས།། རྡོ་རྗེ་ཁྲོས་པས་ཞེ་སྡང་གཅོད།། ཅེས་པའི་ཚིག་འདིས་དོན་དམ་པའི
257a4 བདེན་པ་སྒྱུ་མ་ཙམ་དུ་བཞག་པ་ནི། ཆོས་ཉིད་ཀྱི་དོན་ཏོ།། ཨོཾ་བཛྲ་ཀཱི་ལ་ཀཱི་ལ་ཞེས་བརྗོད་པས། ཆོས་ཐམས་ཅད་རང་བཞིན་མེད་པར་རྟོགས་ནས། རང་བཞིན་མེད་པ་སྒྱུ་མ་ཙམ་དུ་རྟོགས་པ་ནི་ཆོས་ཉིད་ཀྱི་དོན
257a5 ཏོ།། མཱ་ར་ཡ་བསད་པའི་དཀྱིལ་འཁོར་བསྟན་པ་དང་། སྔགས་ཀྱི་འཁོར་ལོ་བཅའ་གཞི་བསྟན་པ་དང་། སྔགས་ཀྱི་ཕྲེང་བ་བསྟན་པའི་ལེའུ་སྟེ་གསུམ་པའོ།། །། སེམས་དཔའ་ཆེན་པོ་མཱ་ར་ཡ་བསད་པའི་དཀྱིལ
257a6 འཁོར་དང་། སྔགས་ཀྱི་འཁོར་ལོ་བཅའ་བའི་དོན་དེ་ལྟར་ལགས་ན། ངན་སྔགས་ཀྱི་སྙིང་པོའི་དོན་བཤད་དུ་གསོལ། ལས་ཀྱི་སེམས་དཔའ་ཉོན་ཅིག། ངན་སྔགས་ཀྱི་སྙིང་པོ་འདི། སྔར་དེ་བཞིན་གཤེགས་པ་རྣམས
iiif viewer powered by OpenSeadragon
