| e-texts navigator |
| Wylie |
254a1 འདྲ་དང་།། ཚེས་གཅིག་ཟླ་བའི་དབྱིབས་འདྲ་ལ།། ཏཱ་ཐ་ཡ་ཡི་སྔགས་བཀོད་པས།། རྡུལ་དུ་རློག་པའི་ལས་སུ་འགྱུར།། རྡོ་རྗེའི་དབྱིབས་འདྲའི་འཁོར་ལོ་ལ།། བྱང་ཆུབ་སེམས་ཀྱི་རྒྱུ་སྲང་ལ།། བྷིནྡ་ཡ
254a2 ཡི་སྔགས་བཀོད་པས།། ཞལ་དུ་སྟོབ་པའི་ལས་སུ་འགྱུར།། སེམས་དཔའ་ཆེན་པོ་སྔགས་ཀྱི་འཁོར་ལོ་བཀོད་པ་དེ་ལྟར་ལགས་ན།། གང་ཟག་ཇི་ལྟ་བུ་ཞིག་གིས་བྲི་བར་བགྱི།། ཞེ་སྡང་རྡོ་རྗེའི་རིགས་ཀྱིས་བྲི་བར
254a3 བྱའོ།། དེའི་ཁ་དོག་དང་དབྱིབས་ནི་ནག་ལ་སྐྲ་གྱེན་དུ་འཁྱིལ་བ།། མིག་སྤྲིན་དམར་བ། སྨིན་མའི་དབུས་ན་ཁྲོ་གཉེར་གསུམ་ཡོད་པ། མཆེ་བ་གཙིགས་པ། ལག་པ་ཆུ་བྱ་ལག་ཏུ་འདུག་པ།། ཐིག་པ་མཆོག་ལ་དང
254a4 པ། མངོན་པར་ཤེས་པ་དེས་བྲི་བར་བྱའོ།། སྔགས་ཀྱི་འཁོར་ལོ་བྲི་བའི་དུས་གང་ལགས་བཤད་དུ་གསོལ། ལས་ཀྱི་སེམས་དཔའ་ཉོན་ཅིག། དུས་ནི་གསུམ་སྟེ། སྨྱུག་གུ་བཙལ་བའི་དུས་དང་། བྲི་བའི་དུས་དང་།
254a5 སྣག་ཚ་བཙལ་བའི་དུས་དང་གསུམ་མོ།། བྲི་བའི་དུས་ནི་ཉ་ནག་དམར་གྱི་དུས་སོ།། སྨྱུ་གུ་བཙལ་བའི་དུས་ནི། སྨིན་དྲུག་ས་འོག་ཏུ་སོང་བའི་དུས་སོ།། སྣག་ཚ་བཙལ་བའི་དུས་ནི། དཔྱིད་ཟླ་འབྲིང་པོ་ལྷ་མོ་ཨུ་མ་དེ
254a6 ཝཱི་གསང་བའི་མཁར་འཆར་བའི་དུས་སོ།། བཅོམ་ལྡན་འདས་སྦུ་གུ་དང་འཁོར་ལོ་དེ་ལྟར་ལགས་ན། འཁོར་ལོ་ཆེན་པོ་བཅའ་བའི་དུས་གང་ལགས། དུས་ནི་བསྙེན་པ་རྫོགས་པའོ།། ལས་ནི་སྒྲུབ་པའོ།། རྒྱུ་ནི་གྲོ
iiif viewer powered by OpenSeadragon
