| e-texts navigator |
| Wylie |
252a1 གཟུང་ཞིང་བསྒྲུབ་པར་བགྱི། ཉོན་ཅིག་གང་ཟག་རྣམ་པ་ལྔ་སྟེ། ཐེག་པ་ཆེན་པོའི་རིགས་ཅན་དང་། ཐེག་པ་ཆུང་ངུའི་རིགས་ཅན་དང་། གང་ཟག་རིགས་ཆད་པ་དང་། རིགས་མ་ངེས་པ་དང་། གང
252a2 ཟག་ཞེ་སྡང་རྡོ་རྗེའི་རིགས་ཅན་ནོ།། འདིར་ནི་གང་ཟག་ཞེ་སྡང་རྡོ་རྗེའི་རིགས་ཅན་གྱིས་བསྒྲུབ་པར་བྱའོ།། སེམས་དཔའ་ཆེན་པོ། འདིའི་ཐིག་སྐུད་ཀྱི་རྒྱུ་རྣམས་ཇི་ལྟར་ལགས། བསྙེན་པ་བསྡུས་པའི་དུས་རས་བལ
252a3 གྱི་བཀལ་པ་དང་། བསྒྲུབ་པའི་དུས་སུ་ནི་ཁ་རལ་མའི་རྒྱུད་མས་སོ།། དྲག་པོའི་དུས་སུ་བྲམ་ཟེའི་སྲོག་པ་རྩས་སོ།། མཱ་ར་ཡ་བསད་པའི་དུས་སུ་རྒྱུས་ཆེན་གྱིས་སོ།། འདིའི་ཚོན་གྱི་མཚན་ཉིད་ཅི་ལྟ་བུ་ལགས།
252a4 བསྙེན་པ་ལ་ནི་རིན་ཆེན་སྣ་ལྔས་བྲི། བསྒྲུབ་པའི་དུས་སུ་འབྲས་ལ་སོགས་པ་ཁ་དོག་བསྒྱུར་ལ་བྲིའོ།། དྲག་པོ་ལ་ཚོན་སྣ་ལྔས་སོ།། བསད་པ་ལ་ལྕགས་སོལ་ནག་པོ་ཡིན། ཚོན་གྱི་མཚན་ཉིད་དེ་ལྟར་ཡིན་ན། བྲིས
252a5 པའི་དུས་ཇི་ལྟར་ལགས། བསྙེན་པ་ལ་ཉི་མ་ཤར་ནས་སོ།། བསྒྲུབ་པ་ལ་ནམ་ཕྱེད་ནས་སོ།། དྲག་པོ་ལ་ཉིན་ཕྱེད་ནས་སོ།། བསད་པ་དགོངས་ཀའི་དུས་སུའོ།། དཀྱིལ་འཁོར་ཆེན་པོ་དེ་ཉིད་དུ།། ཕུར་བུའི་མཚན
252a6 ཉིད་དགོད་པ་ཇི་ལྟར་ལགས།། ཉོན་ཅིག་ལས་ཀྱི་སེམས་དཔའ། བསྙེན་པའི་དུས་སུ་རིན་ཆེན་སྣ་ལྔའི་ཕུར་པ་སོར་བཅུ་དྲུག་པ་བྱ་ལ་དགོད། བསྒྲུབ་པའི་དུས་སུ་གདུག་པ་ཅན་གྱི་ཤིང་ལ་སོར་བཅུ་གཉིས་པར་བྱས
iiif viewer powered by OpenSeadragon
