| e-texts navigator |
| Wylie |
251b1 ཏོ།། སེམས་དཔའ་ཆེན་པོ་སངས་རྒྱས་ཤིང་འཁོར་བ་ལས་བསྒྲལ་བར་བྱ་བའི་ཕྱིར། རྣལ་འབྱོར་གྱི་ཆ་རྐྱེན་དུ་བཞག་པ་ལ་དོན་དུ་མཆིས་ལས་ཀྱི་སེམས་དཔའ་ཉོན་ཅིག། ཏིང་འཛིན་དཀྱིལ་འཁོར་བསྒོམ་པ
251b2 དང་།། རང་བཞིན་དཀྱིལ་འཁོར་སྒྲུབ་པ་དང་།། ཕྱག་རྒྱ་ཆེ་ལ་གནས་རྣམས་ཀྱིས།། འབྲས་བུ་སྐུ་བཞི་ཐོབ་པར་འགྱུར།། རྣལ་འབྱོར་ཆ་རྐྱེན་རིམ་པའོ།། སེམས་དཔའ་ཆེན་པོ་གཟས་པའི་ཆ་རྐྱེན་དུ་བཞག་པ་ལ་དོན
251b3 དུ་ཅི་མཆིས་བཤད་དུ་གསོལ། ལས་ཀྱི་སེམས་དཔའ་ཉོན་ཅིག། ཨེ་མ་ཧོ།། འཇིག་རྟེན་འདི་ནས་ཕ་རོལ་ཏུ་བསྒྲལ་བ་མྱ་ངན་ལས་འདས་པའི་མཐར་བསྒྲལ་བའི་རིམ་པའོ།། །། འཇིག་རྟེན་འདི་ནས་ཕ་རོལ་དུ
251b4 བསྒྲལ་བ་ལ།། ལམ་ཡན་ལག་ཅི་ལྟ་བུ་ལགས་བཤད་དུ་གསོལ། སེམས་དཔའ་ཆེན་པོ་ཉོན་ཅིག། བསྙེན་པ་བསྡུས་པའི་ཡན་ལག་དང་། བསྒྲུབ་པ་ཆེན་པོའི་གནས་ཀྱི་རིམ་པ་དང་། དྲག་པོའི་ལས་ལ་སྦྱར་བའོ།། དེ
251b5 ལ་དཀྱིལ་འཁོར་དུ་ཞིག་མཆིས། སེམས་དཔའ་ཆེན་པོ་ཉོན་ཅིག་དཀྱིལ་འཁོར་རྣམ་པ་བཞི་སྟེ། བསྙེན་པས་བསྡུས་པའི་དཀྱིལ་འཁོར་རྩིབས་བརྒྱད་དང་། སྒྲུབ་པ་སྟེ་གྲུ་གསུམ་ཤེལ་གྱི་དཀྱིལ་འཁོར་དང་། སྒྲུབ་པ
251b6 ཆེན་པོ་སྟེ་སྔགས་ཀྱི་འཁོར་ལོ་བསྐོར་བའི་དཀྱིལ་འཁོར་དང་། ལས་ལ་སྦྱར་བ་ཏེ་མ་ར་ཡ་བསད་པའི་དཀྱིལ་འཁོར་དང་བཞིའོ།། སེམས་དཔའ་ཆེན་པོ་དེ་ལྟ་བུའི་དཀྱིལ་འཁོར་འདི་གང་ཟག་ཇི་ལྟ་བུ་ཞིག་གིས
iiif viewer powered by OpenSeadragon
