| e-texts navigator |
| Wylie |
24b1 དུ་གཟུང་།། ཕན་པའི་དབང་བཅུ་ལུས་ལ་བརྒྱན།། རྟགས་ཀྱི་དབང་རྣམས་ལུས་ལ་བསྐྱེད།། གསང་བའི་དབང་ནི་གསུང་ལ་བསྐུལ།། ཤེས་རབ་ཡེ་ཤེས་དབང་ནི་ཐུགས་ལ་དྲན།། ཕྱག་རྒྱའི་དབང་ནི་ལུས་ལ
24b2 གཞུག། རྗེས་གནང་ཆེན་པོ་ལུས་ལ་བསྐུར།། དམ་ཚིག་ཆོས་རྣམས་དེ་རུ་བཤད།། ཅེས་གསུངས་སོ།། ཁྲོ་བོ་རྣམ་པར་རྒྱལ་བའི་རྒྱུད་ལས།། དབང་གི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་ཁྲག
24b3 འཐུང་གི་རྒྱལ་པོས་བཀའ་སྩལ་པ། རྣམ་པར་རྒྱལ་བའི་དཀྱིལ་འཁོར་ནི།། གྲུ་གསུམ་མཐའ་ལ་རྡོ་རྗེ་ཡི།། རྩེ་གསུམ་ཁ་ཁྱེར་ཡོད་པས་མཚན།། ཐ་མ་འཁོར་ལོས་ཀུན་ནས་སྤྲས།། དེ་ཡི་དབུས་སུ་ཉི་ཟླ་གསལ།། རོ
24b4 ཡི་ཕུང་པོའི་སྟེང་དུ་ནི།། ས་བོན་གསལ་བར་ཡོངས་རྫོགས་པས།། སྒོང་སྐྱེས་རིམ་པ་ལ་གནས་པ།། སྐུ་རྫོགས་འོད་དང་བཅས་པར་ནི།། ལྷ་ནི་གསལ་བའི་ངང་ཚུལ་ཅན།། ཡོངས་སུ་རྫོགས་པར་དེ་མཐོང་ནས།། སྐུ
24b5 གསུང་ཐུགས་ལས་ཡང་དག་སྤྲོས།། བདེ་གཤེགས་འཁོར་བཅས་སྤྱན་དྲངས་ནས།། མཆོད་དབུལ་ཕྱི་ནང་དབང་ཡང་ནོད།། གནང་བ་བྱིན་ནས་བྱིན་གྱིས་བརླབས།། ཡེ་ཤེས་དཀྱིལ་འཁོར་གནས་ནས
24b6 དྲངས།། བསྟིམས་ནས་གསལ་བའི་སྲས་མཆོག་ལ།། སྙིང་པོ་བཀོད་དེ་སྤྲོ་བསྡུ་ནི།། རིམ་པ་མ་འདྲེས་ཤེས་བྱས་ལ། ཁྲི་ཕྲག་གཉིས་ནི་བཟླས་བྱས་ན།། དེ་དུས་མཚན་མ་བཟང་པོ་འབྱུང་།། དུས་དེར་ལས་ལ་སྦྱར་བ
iiif viewer powered by OpenSeadragon
