| e-texts navigator |
| Wylie |
247a1 ཏེ།། ཐུན་བྲབ་འཕུར་བུས་གདབ་པར་བྱའོ།། དེ་ནས་བལ་ནད་དཀྱིས་བསད་པ།། ཡིད་ཆེས་ཚ་བ་ཡང་གཏེར་རྒྱུད།། ལག་ཏུ་བླངས་པ་སྒྲུབ་ཟབས་སོ།། བསད་པའི་མན་ངག་བསྟན་པ་ནི།། མནན
247a2 བསྲེག་འཕང་གསུམ་ལས་བརྟུལ་ཏེ།། གང་དུ་ཐུན་བྲབ་ཕུར་བུ་གདབ།། རྒྱུ་གཟེར་དག་གིས་གསད་པ་ནི།། མ་མདུན་སྲིང་བཞིའི་ལས་ཡིན་ཏེ།། མན་ངག་གནད་ནི་སྣ་ཚོགས་ཀྱིས། ཟོར་ཁའི་ལས་ཀ་ཁོ་ནས
247a3 བྱའོ།། རིམས་ཀྱིས་བསད་པའི་ལེའུ་སྟེ་བཅོ་བརྒྱད་པའོ།། །། དེ་ནས་བསྟན་འཛིན་དབུ་སྨོད་དགྲ་བགེགས་ལ། དྲེགས་པ་ཕོ་དྲུག་མོ་བདུན་བསྐུལ།། ཞེས་བཀའ་སྩལ་ཏོ།། དེ་ནས་ཀརྨ་ཧེ་རུ་ཀ་ལ་སོགས་པའི
247a4 རྡོ་རྗེ་སྲིན་པོའི་ལྷ་ཚོགས་དང་། འཇིག་རྟེན་པ་ཐམས་ཅད་ཀྱིས།། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། བསྟོད་པའི་ལེའུ་སྟེ་བཅུ་དགུ་པའོ།། །། རྡོ་རྗེ་ཕུར་བུ་མདུང་རྩེ་དམར་པོའི་རྒྱུད
247a5 ཅེས་བྱ་བ་རྫོགས་སོ།། །། བསེ་སྒྲོམ་དམར་པོའི་རྒྱུད།།
247a6 རྒྱ་གར་སྐད་དུ། ཤི་རག་ཤ་ས་མུ་གུ་ཏནྟྲ། བོད་སྐད་དུ།། དཔལ་ཁྲག་འཐུང་བདེ་བ་ཆེན་པོ་ལོངས་སྤྱོད་རྫོགས་པའི་སྐུ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས
iiif viewer powered by OpenSeadragon
