| e-texts navigator |
| Wylie |
244a1 འབར།། ཨག་ཚོམ་དམར་སེར་དུག་གསུམ་རྩད་ནས་གཅོད།། སྙན་ནས་འབྲུག་སྟོང་སྒྲ་སྒྲོགས་དེ་རི་རི།། སེན་མོ་ལྕགས་ཀྱུའི་རྩེ་ལྟར་འཛིན་ཅིང་འགུགས།། བ་སྤུའི་ནང་ནས་གནམ་ལྕགས་ཞུན་མ
244a2 འཁྲུགས།། མེ་ལྕེ་བན་ཐབས་གསུམ་གྱིས་ཆར་ཆེན་འབབ།། ཞབས་ཀྱིས་བསམ་པའི་གནས་སུ་ཡུད་ཀྱིས་ཕྱིན།། ན་བཟའ་དམར་པོ་སྤྲིན་གྱི་གཡང་གཞི་གསོལ།། ཉམས་པའི་སྙིང་ཕྱུང་ཆང་བར་བཅུག་ནས
244a3 གསོལ།། དུས་ལ་བབ་པོ་གནོད་སྦྱིན་མ་རུ་ཙེ།། བཅོལ་བའི་ལས་རྣམས་མྱུར་དུ་འགྲུབ་པར་མཛོད།། ཧཱུཾ་གནོད་སྦྱིན་མ་རུ་ཙེ་ཡི་ཐུགས་དམ་དགྱེས་བསྐུལ་ལ།། ཡུམ་གཅིག་རྡོ་རྗེ་གར་གྱི་དབང་ཕྱུག་མ། ཁྲོས་པའི་སྐུ
244a4 མདོག་ཁྲག་གི་མཆིན་པ་འདྲ།། མི་བཟད་རྡོ་རྗེའི་ལྕགས་ཀླུའི་ཕུར་པ་བསྣམས།། སྤྱན་ནས་ཁྲག་གི་མཆི་མ་ཕྲུལ་ལུ་ལུ།། སྙིང་རྗེ་མི་མངའ་དམ་ཉམས་སྒྲོལ་བར་མཛད།། ཕྱག་ན་རྡོ་རྗེ་ཕུར་བུ་འདྲིལ་ཞིང
244a5 འཕེན།། དུས་ལ་བབ་པོ་གར་གྱི་དབང་ཕྱུག་མ།། དམ་ཉམས་གྲི་རུ་བསད་པའི་ལས་མཛོད་ཅིག། ནརྀ་ཨངྐུ་ཤ་ཛ་ཛཿ། མངོན་དུ་ཁུགས་པར་བསམ་མོ།། དེ་ནས་རྗེས་བརྟགས་ཏེ། གདབ་ལས་གར་སོང་སོང་དུ་མི
244a6 བྱའོ།། མི་གདབ་པ་ནི། གྲུ་བཞི་ལ་ཟུར་དོད་པ་བྱུང་ན་མི་གདབ་བོ།། སྲིན་མོ་རལ་པ་གཏིབས་པ་འདྲ་བ་བྱུང་ན་མི་གདབ་བོ།། སྦྲུལ་འཁྱུས་ལྟ་བུ་བྱུང་ན་མི་གདབ་བོ།། རྟ་བླ་མོ་འམ། མུག་པ་འཁྱུད་པ་འདྲ་བ་བྱུང་ན
iiif viewer powered by OpenSeadragon
