| e-texts navigator |
| Wylie |
243a1 སྔགས་སོ་མོའི་གླིང་བུར་བཟླས།། ཉུང་དཀར་བཟླས་ཤིང་ཐུན་བྲབ་བོ།། དྲ་དང་དུན་བྷྱོ་བཛྲ་སད་སད་མཱ་ར་ཡ་ཕཊ། གཞུག་ཏུ་དགྲ་ཡི་ཁང་པ་གཡས་སུ་སྦའོ།། འབོག་ཏུ་གཞུག་པའི་རྫས་ནི། སེང་གེ
243a2 དཀར་མོའི་སྙིང་ཤུན་དུ།། དུག་སྣའི་ཚོགས་དང་ཁྲག་སྣའི་ཚོགས།། དགྲ་ཡི་མིང་བྱང་བཅས་པ་གཞུག། ཉུང་དཀར་གླིང་བུར་ངན་སྔགས་བཟླས།། ཏྲི་དུ་ནི་ཤག་མཱ་ར་ནི་རྦད། ར་ར་སི་ཁྱུད། ཅེས་དགྲ་ཡི་ཁང་པ་འམ།།
243a3 གདོང་ངམ་ལུས་ལ་ཕོག་པར་བརྡེག་གོ། དེ་ནས་ལྟས་ངན་དབབ་པ་ནི།། བྱ་ཕོ་དཀར་པོའི་གསོབ་ནང་དུ།། ལྟས་ངན་ཐོད་པ་ལྔ་བསགས་ཏེ།། སྲིན་བྱ་དང་ནི་གླ་བ་དང་།། སྲེག་པ་དང་ནི་འུག་པ་དང་།། སྦྲུལ་གྱི་ཐོད
243a4 པ་བཅས་གཞུག་གོ། དུང་གི་གླིང་བུར་ཉུང་དཀར་སྔགས་ལ་བྲབ།། སང་སང་ཕྱི་ཕྱི་ཐལ་སཾ་ཁྱུང་།། ཏྲི་ཏྲི་རོ་ཏི་མཱ་ར་ཡ་དུན་ཡ། དགྲའི་ཁང་པའི་འགྲམ་འོག་ཏུ་སྦའོ།། དེ་ལྟར་བྱས་ན་ལྟས་ངན་འོང་།། དེ་ནས་ལྐུགས
243a5 སུ་གཞུག་པ་ནི།། ར་དཀར་གཉའ་ནག་སྲོག་རྩའི་ནང་།། མི་བེ་བོ་གསད་པའི་ལྕེ།། ཁྱི་དཀར་སྙིང་དང་ར་དཀར་སྙིང་།། རི་བོང་མགོ་ཁྲག་མིང་བྱང་གཞུག། ངན་སྔགས་ལྕགས་ཀྱི་གླིང་བུར་བཟླས།། ཉུང
243a6 དཀར་སྔགས་ཤིང་ཐུན་བླུགས་བྲབ།། རྦད་སུ་རྦད་སུ་ཁྲག་ཏི་རྦད།། ནང་ན་རྦད་རྨི་ན་རྨུགས།། འགྱེལ་བ་ཀློང་ཕུ་བརླག་ཏུ་བརླག། བཤོས་སྐཾ་མོ། མཱ་ར་ཡ། ཐེམ་པའི་འོག་ཏུ་སྦའོ།། དེ་ལྟར་བྱས་ན་ལྐུགས་པར
iiif viewer powered by OpenSeadragon
