| e-texts navigator |
| Wylie |
242b1 བ་བསར་ཞིང་རྫས་ཀྱིས་བདུག། དྲག་པོའི་ལས་ཀྱིས་གསོ་བ་དང་། ནད་པ་ཚབས་ཆེན་གསོ་བ་དང་།། གང་གནོད་པ་ཡི་མདོས་བྱས་ལ།། གཏའ་ར་གཏའ་ལུག་མང་དུ་གཞུག། གཏའ་ཐབས་བཅོ་བརྒྱད་གཞུང
242b2 བཞིན་བྱའོ།། སྲིའུ་གཅེས་པ་གསོ་བ་ནི།། ལུས་སྲུང་ཕུར་བུ་བླ་སྒོངས་དང་།། སྔགས་མདུད་སྲུང་འཁོར་རབ་གནས་གདགས།། ཆུ་གཏོར་མང་དུ་བཏང་བ་དང་།། ཚ་ཚ་གདབ་དང་དྷརྨ་གདོན།། དཀར་ཆོས་གཞུང་དུ
242b3 བྱ་བ་དང་།། དེས་ཀྱང་ཕན་པར་མ་གྱུར་ན།། རྡོ་རྗེའི་སྒྲུབ་པ་གཞུང་བཙུག་བྱའོ།། གསོ་བའི་ལེའུ་སྟེ་བཅུ་གཅིག་པའོ།། །། དེ་ནས་དབབ་པའི་ལས་བསྟན་ཏེ།། བདུད་ཀྱི་སེར་བ་ཇི་ལྟར་དབབ།། གཟའ་ཡི་སེར
242b4 བ་ཇི་ལྟར་དབབ།། བཙན་གྱི་སེར་བ་ཇི་ལྟར་དབབ།། ཀླུ་ཡི་སེར་བ་ཇི་ལྟར་དབབ།། ཐོག་དང་ལྟས་ངན་ཇི་ལྟར་དབབ།། དེ་རྣམས་མན་ངག་ཤེས་པར་བྱའོ།། དབབ་པའི་ལེའུ་སྟེ་བཅུ་གཉིས་པའོ།། །། དེ་ནས
242b5 གཅད་པའི་ལས་བསྟན་ཏེ།། བདུད་ཀྱི་སེར་བ་ཇི་ལྟར་གཅད།། གཟའ་ཡི་སེར་བ་ཇི་ལྟར་བཟློག། བཙན་གྱི་སེར་བ་ཇི་ལྟར་བཟློག། མ་མོའི་སེར་བ་ཇི་ལྟར་བཟློག། མི་ནད་ཕྱུག་ནད་ཇི་ལྟར་བཟློག། ལྟས་ངན་རྨི
242b6 ངན་ཇི་ལྟར་བཟློག། གཅད་པའི་ལེའུ་སྟེ་བཅུ་གསུམ་པའོ།། །། དེ་ནས་སྦྱོ་རུ་གཞུག་པའི་རྫས།། རྟ་དཀར་ཐོད་པའི་ནང་དུ་བསག། ཐང་ཕྲོམ་ར་དུག་ར་མོ་ཤག། ར་རོག་གཅིན་དང་མིང་བྱང་གཞུག། ངན
iiif viewer powered by OpenSeadragon
