| e-texts navigator |
| Wylie |
241a1 སྡིག་ཆེན་གང་ཞིག་འདའ་བྱེད་པ།། སྟོབས་ཆེན་ཁྲོ་བོ་ཆེན་པོ་ཡིས།། ཀླད་པ་ཚལ་པ་བརྒྱ་རུ་ཁོས།། ཉོན་ཅིག་བགེགས་དང་ལོག་འདྲེན་ཚོགས།། ང་ཡི་བཀའ་ལས་འདའ་མ་བྱེད།། ཅེས་གསུངས་པས།
241a2 མ་བདུན་གྱིས་སྲོག་གི་སྙིང་པོ་ཕུལ་བ། མ་མ་བ་ཤཾ་ཀུ་རུ། མ་ཏཾ་ཉ་གར་ཨི་དན། ཅེས་ཕུལ་ལོ།། སྲིང་མོ་བཞིས་སྲོག་སྙིང་། མཱ་ར་སེ་ན་པྲ་མརྡ་ན་ཧཱུཾ་ཕཊ། ཅེས་ཕུལ་ལོ།། སྲུང་མ་ཐམས་ཅད་ཀྱིས། དྷ་ཏི་མ་མ་ཀརྨ
241a3 ཤྲི་གྷྲཾ་ཀ་རཱ་ཡ་ཕུལ་ལོ།། མིང་བཏགས་པ། རྡོ་རྗེ་གར་གྱི་དབང་ཕྱུག་མ།། རྡོ་རྗེ་གསལ་བ་གློག་འཛིན་མ།། རྡོ་རྗེ་ཀུན་བཟང་མཐུ་མོ་ཆེ།། རྡོ་རྗེ་ཡེ་ཤེས་ཆེན་མོ། རྡོ་རྗེ་གསང་ཆེན་འོད་འབར་མ། རྡོ་རྗེ་གསུང་སྒྲོགས
241a4 ཆེན་མོ། རྡོ་རྗེ་སྒྲོལ་མ་ཟ་བྱེད་མ། ཞེས་མིང་བཏགས་སོ།། ཤར་གྱི་དཀར་མོ་རྡོ་རྗེ་སྤྱན་གཅིག་མ།། ལྷོ་ཡི་སེར་མོ་རྡོ་རྗེ་རལ་གཅིག་མ།། ནུབ་ཀྱི་དམར་མོ་རྡོ་རྗེ་དབང་སྡུད་མ།། བྱང་གི་སྔོན་མོ་རྡོ་རྗེ་ལས་མཁན།
241a5 མའོ།། བཏུལ་ཞིང་དབང་བསྐུར་མིང་བཏགས་པའི་ལེའུ་སྟེ་བཞི་པའོ།། །། དེ་ནས་བཅོམ་ལྡན་འདས་ཀྱིས་དྲེགས་པ་ཅན་པོ་ནི་བཏུལ། མོ་ནི་སྦྱོར་བའི་ཡུམ་དུ་བྱས། བུ་རྣམས་ནི་འཁོར་དུ་བྱས། རྒྱན་ཆ་ལུགས
241a6 ནི་ལྡན་པར་བྱས་ཏེ། རང་ལ་རང་ངོ་མཚར་བའི་བསྟོད་པ་ནི། དཔའ་བོ་སྒེག་པོ་འཇིགས་སུ་རུང་བ་དང་།། དགོད་དང་གཤེ་དང་འཇིགས་པར་སྟོན་པ་དང་།། སྙིང་རྗེ་རྔམ་དང་ཞི་བ་ལ་སོགས་པ།། སྐུ་ཡི་བརྙན་པོ
iiif viewer powered by OpenSeadragon
