| e-texts navigator |
| Wylie |
23b1 ཏོ། གནས་ཀྱི་མཚན་ཉིད་རི་ནག་པོ།། དཀྱིལ་འཁོར་མཚན་ཉིད་གྲུ་གསུམ་ཨེ།། འཁོར་གྱི་མཚན་ཉིད་རང་ལས་མི་གཞན་པ།། རྫས་ཀྱི་མཚན་ཉིད་རྒྱུ་བཞིའོ།། སྔགས་ཀྱི་མཚན་ཉིད་ལས་སྔགས་སྤེལ།། བསྒྲུབ
23b2 པའི་མཚན་ཉིད་མར་བརྒྱད་ལ།། དེ་སྐད་ཅེས་བཀའ་སྩལ་ཏོ།། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་ལ། མགོ་བརྙན་གྱི་ཚོགས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་ཁྲག་འཐུང་གསང་བའི
23b3 བདག། སྐུ་གསུང་ཐུགས་ཀྱི་བདག་ཆེན་པོ།། ཡོན་ཏན་ཕྲིན་ལས་ཀུན་ཏུ་རྫོགས།། རྣལ་འབྱོར་རྗེས་སུ་སྒྲུབ་པ་ལ།། དཀྱིལ་འཁོར་ཉམས་སུ་ཇི་ལྟར་བླང་།། ཐབས་དང་བཅས་པའི་ཏིང་འཛིན་གྱི།། དངོས་གཞི
23b4 བསྒྲུབ་ན་ཇི་ལྟར་སྒྲུབ།། ཅེས་གསོལ་པ་དང་། བཅོམ་ལྡན་འདས་ཁྲག་འཐུང་གི་རྒྱལ་པོ་རྣམ་པར་རྒྱལ་བས་འདི་སྐད་ཅེས་གསུངས་སོ།། ཉོན་ཅིག་མགོ་བརྙན་ཕྲ་ཐབས་ཚོགས།། རྗེས་སུ་སྒྲུབ་པའི་རྣལ་འབྱོར
23b5 པས།། དང་པོ་ལས་ལ་སྦྱོར་བའི་དུས།། ཚངས་པའི་གནས་བཞི་བསྒོམ་པར་བྱ།། དེ་ནས་དྲག་པོའི་ལས་ལ་སྦྱར།། རང་བཞིན་མེད་པའི་རྗེས་འཇུག་གོ། ཕྱག་རྒྱ་གསུམ་གྱིས་བསྐྱེད་པར་བྱའོ།། འབྱུང་བ་རིམ
23b6 བརྩེགས་ཚུལ་བཞིན་བསྒོམ། ཁྲོ་བོ་རྣམ་པར་རྒྱལ་བའི་རྒྱུད་ལས།། གླིང་གཞིའི་ལེའུ་སྟེ་དང་པོའོ།། །། དེ་ནས་ཡང་བཅོམ་ལྡན་འདས་ཁྲག་འཐུང་གི་རྒྱལ་པོས། དབང་གི་རིམ་པ་འདི་གསུངས་སོ།། གནམ་དང
iiif viewer powered by OpenSeadragon
