| e-texts navigator |
| Wylie |
23a1 བསྟོད།། ཕྲིན་ལས་མངའ་བདག་ཁྱོད་ལ་བསྟོད།། བདུད་འདུལ་ཁྲོ་རྒྱལ་ཁྱོད་ལ་བསྟོད།། དབང་སྡུད་ཆེན་པོ་ཁྱོད་ལ་བསྟོད།། ཟིལ་གནོན་ཆེན་པོ་ཁྱོད་ལ་བསྟོད།། ཅེས་དེ་རྣམས་ཤིན་ཏུ་དགེས
23a2 ནས་དགེས་པའི་ང་རོ་བྱུང་སྟེ་དེ་སྐད་ཅེས་བསྟོད་དོ།། རྒྱུད་ཀྱི་རྒྱལ་པོ་ཁྲོ་བོ་ཧཱུཾ་ཀ་རའི་རྒྱུད་ལས། རྒྱུད་གཏད་པའི་ལེའུ་སྟེ་ལྔ་པའོ།། །། རྒྱུད་ཀྱི་རྒྱལ་པོ་ཁྲོ་བོ་ཧཱུཾ་ཀཱ་རའི་རྒྱུད་རྫོགས་སོ།། །། @#།། རྒྱ་གར་སྐད
23a3 དུ། ཏནྟ་རཱ་ཛ་ཀྲོ་དྷ་བི་ཛ་ཡ་ཏནྟྲ། བོད་སྐད་དུ། རྒུད་ཀྱི་རྒྱལ་པོ་ཁྲོ་བོ་རྣམ་པར་རྒྱལ་བའི་རྒྱུད།། དཔལ་ཁྲག་འཐུང་གི་རྒྱལ་པོ་ལ་ཕྱག་འཚལ་ལོ།། འདི་སྐད་བདག་གིས་ཟོས་པའི་དུས་གཅིག་ན།། བཅོམ་ལྡན་འདས
23a4 ཁྲག་འཐུང་གི་རྒྱལ་པོ། ཁྲོ་བོ་རྣམ་པར་རྒྱལ་བ། མཐའ་དང་དབུས་མེད་པའི་རང་བཞིན་གྱི་གཞལ་ཡས་ཁང་ལྷུན་གྱིས་གྲུབ་པ་ན།། ཡུམ་དང་གཉིས་སུ་མེད་པར་བཞུགས་སོ།། དེའི་ཚེ་སྟག་གི་མགོ་ཅན་དང་། བྱ
23a5 རྒོད་ཀྱི་མགོ་ཅན་དང་། མགོ་བརྙན་གྱི་ཚོགས་ཀྱིས་ཡབ་གཙོ་བོ་ལ་ཞུས་པ། གནས་ཀྱི་མཚན་ཉིད་ཇི་ལྟར་ལགས།། དཀྱིལ་འཁོར་མཚན་ཉིད་ཇི་ལྟར་ལགས།། འཁོར་གྱི་མཚན་ཉིད་ཇི་ལྟར་ལགས།། རྫས་ཀྱི་མཚན
23a6 ཉིད་ཇི་ལྟར་ལགས།། སྔགས་ཀྱི་མཚན་ཉིད་ཇི་ལྟར་ལགས།། སྒྲུབ་པའི་མཚན་ཉིད་ཇི་ལྟར་ལགས།། ཞེས་དྲིས་པས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་རྣམ་པར་རྒྱལ་བས་འདི་སྐད་ཅེས་བཀའ་སྩལ
iiif viewer powered by OpenSeadragon
