| e-texts navigator |
| Wylie |
237a1 མེད་བཟང་སྡུག་ལ་འོད་ཆགས་པ་བདུན་བྱུང་བས། བྱ་འགྲོགས་ཚང་བོར་རོ།། བུད་མེད་བདུན་གྱིས་ནི་སྒོ་ང་རེ་ཚགས་བྱས་སོ།། སྲིད་པའི་བྱུང་ཚུལ་བསྟན་པའི་ལེའུ་སྟེ་དང་པོའོ།། །། དེ་ནས
237a2 བུད་མེད་བདུན་ལས། གཅིག་གིས་ཤེལ་སྒོང་དཀར་པོ་བརྟོལ་བས། དེ་ནས་མི་དཀར་མདུང་ཙམ་ལ་དཔྲལ་བ་ན་མིག་གཅིག་ཡོད་པ་བྱུང་། བུད་མེད་གཅིག་གིས་དངུལ་སྒོང་སྐྱ་བོ་བརྟོལ་བས། མི་སྐྱ་བོ་རའི་མགོ
237a3 ཅན་བྱུང་། བུད་མེད་གཅིག་གིས་ལྕགས་སྒོང་ནག་པོ་བརྟོལ་བས། མི་ནག་པོ་ལག་པ་དགུ་པ་བྱུང་། བུད་མེད་གཅིག་གིས་གསེར་སྒོང་སེར་པོ་བརྟོལ་བས། མི་སེར་པོ་མིག་དམར་ཅན་བྱུང་། བུད་མེད་གཅིག་གིས
237a4 གཡུ་སྒོང་སྔོན་པོ་བརྟོལ་བས། མི་སྔོན་པོ་སྦལ་པའི་མགོ་ཅན་བྱུང་། བུད་མེད་གཅིག་གིས་ཟངས་སྒོང་དམར་པོ་བརྟོལ་བས། མི་དམར་པོ་ར་སྐྱེས་ཁམ་པ་ཞོན་པ་གཅིག་བྱུང་། བུད་མེད་གཅིག་གིས་མཆོང་སྒོང་སྤུག
237a5 པོ་བརྟོལ་བས། བུད་མེད་དྲུག་ལ་བཞིན་བཟང་སྡུག་ལ་འོད་ཆགས་པ་བྱུང་། གཅིག་ནག་མོ་དཔྲལ་ན་མིག་གཅིག་ཁ་ན་སོ་གཅིག། བྲང་ན་ནུ་གཅིག་ཡོད་པ་བྱུང་། གཅིག་གཅན་གཟན་གྱི་མགོ་ཅན་དུ་བྱུང་ངོ་།། བྱུང
237a6 ཚུལ་བསྟན་པའི་ལེའུ་སྟེ་གཉིས་པའོ།། །། དེ་ནས་མི་དཀར་པོ་མིག་གཅིག་པ་དང་། བུད་མེད་ནག་མོ་མིག་གཅིག་མ་གཉིས་མཆིས་པ་ལས། བུ་དགུ་མདའ་གཞུ་དང་མདུང་ཐོགས་པ་དང་། བུ་བཅོ་བརྒྱད་སྒྱེའུ
iiif viewer powered by OpenSeadragon
