| e-texts navigator |
| Wylie |
236b1 གིས་ཐོས་པ་དུས་གཅིག་ན། བཅོམ་ལྡན་འདས་འོག་མིན་གྱི་གནས་དྲག་པོ་མཐིང་ནག་འབར་བའི་གཞལ་ཡས་ཁང་ན། རྡོ་རྗེ་སྲིན་པོའི་ལྷ་ཚོགས་དང་ཐབས་ཅིག་ཏུ་བཞུགས་ཏེ། དེའི་ཚེ་ཉིད་ལས་མི་གཞན་པའི
236b2 འཁོར་ཀརྨ་ཧེ་རུ་ཀས་འདི་སྐད་ཞུས་སོ།། ཀྱེ་བཅོམ་ལྡན་འདས་ཉོན་མོངས་པ་སེམས་ཅན་རྒྱུ་ཅི་ལགས། རྐྱེན་ཅི་ལ་སྤྱོད། ལས་གང་སྨིན་བཀའ་སྩལ་དུ་གསོལ། ཞེས་ཞུས་པ་དང་། བཅོམ་ལྡན་འདས་ཀྱིས་བཀའ
236b3 སྩལ་པ།། དང་པོ་འཇིག་རྟེན་སྲིད་པའི་རྒྱུད།། ཆགས་པ་གནས་པ་ཞིག་པ་ལས།། བར་དུ་སྟོངས་པར་གྱུར་པའི་ཚེ།། དེ་ཡང་སྣོད་ཆགས་བཅུད་ཆགས་མཉམ།། དེ་དུས་ལྷ་ཡི་སྤྲུལ་པ་ནི།། བག་ཙམ་རླན་འདུས
236b4 གནས་པ་ལས།། བྱ་རྒོད་དར་མ་གཅིག་ཏུ་སྲིད།། གཤེར་ལ་རླན་ཙམ་གྱུར་པ་ལས།། སྟག་ཆེན་དར་མ་གཅིག་ཏུ་སྲིད།། དེ་ནི་སྲིད་པའི་སྤྲུལ་པའོ།། བྱ་ཡི་ཚང་འཆའ་བའི་གནས། ཤར་ཕྱོགས་ཤེལ་གྱི་བྲག་ཁ་དཀར
236b5 མཐོ་ས་གཙང་བར། བྱ་དང་སྟག་གི་ལུས་གཉིས་ནི།། མ་འཕྲད་ཡིད་ཀྱིས་ཆགས་པས་བཤོས།། སྲིད་པའི་སྒོ་ང་བདུན་དང་ཆུ་བུར་གཉིས་སུ་སྲིད། སྒོ་ང་བདུན་པོ་ནི། ཤེལ་སྒོང་དཀར་པོ་དང་། དངུལ་སྒོང་སྐུ་བོ
236b6 དང་། ལྕགས་སྒོང་ནག་པོ་དང་། གསེར་སྒོང་སེར་པོ་དང་། ཟངས་སྒོང་དམར་པོ་དང་། གཡུ་སྒོང་སྔོན་པོ་དང་། མཆོད་སྒོང་སྨུག་པོ་དང་བདུན་ནོ།། ཆུ་བུར་གཉིས་ལ་ཡིད་མ་ཆེས་ནས། མཆུས་བརྟོལ་བས། བུད
iiif viewer powered by OpenSeadragon
