| e-texts navigator |
| Wylie |
236a1 ཅད་བཏོན་པ་ནི།། གསང་བའི་དབང་དུ་གཞག་པར་བྱ།། ཤིན་ཏུ་མི་དམིགས་བཞི་པ་ཡིན།། དེ་བཞིན་གཤེགས་པ་ཐམས་ཅད་ཀྱི་རང་བཞིན་སྦས་པ་ཟབ་མོ་ལས། དབང་གི་རིམ་པ་བསྟན་པའི་ལེའུ
236a2 སྟེ་བརྒྱད་པའོ།། །། དེ་ནས་འཁོར་ལ་བོས་ནས། དབྱིངས་ཟབ་མོའི་ཏིང་ངེ་འཛིན་ལ་སྙོམས་པར་ཞུགས་ཏེ། བཀའ་སྩལ་པ། ཐམས་ཅད་ཐམས་ཅད་མེད་མཐོང་བ།། དཀྱིལ་འཁོར་ཁྲོ་ཚུལ་མ་ལུས་པ།། མ
236a3 མཐོང་རྨོངས་ལ་བསྟན་པའོ།། ཡང་དག་དོན་ནི་སྟོང་པ་སྟེ།། མཚན་མའི་བག་ཆགས་སྤངས་པའོ།། སེམས་ལ་སེམས་ཀྱིས་བལྟས་པས་ན།། མཐོང་བ་མེད་པ་མཐོང་བའི་མཆོག། དེ་ནི་ངེས་དོན་མཆོག་ཡིན་ནོ།། བདེ
236a4 བར་གཤེགས་པས་དེ་མ་གཟིགས།། དེ་ནི་སླ་བྱེར་སླ་བ་སྟེ།། དགའ་བ་ཤིན་ཏུ་མཐོང་བར་བཀའ།། དེ་བཞིན་གཤེགས་པ་ཐམས་ཅད་ཀྱི་རང་བཞིན་སྦས་པ་ཟབ་མོ་ལས། ཤིན་ཏུ་རྣལ་འབྱོར་བསྟན་པའི་ལེའུ་སྟེ་དགུ
236a5 པའོ།། །། སྦས་པ་ཟབ་མོ་མདུང་རྩེའི་རྒྱུད་རྫོགས་སོ།། །། རྒྱ་གར་གྱི་མཁན་པོ་ཛྙཱ་ན་གར་བྷ་དང་། བོད་ཀྱི་བན་དེ་བཻ་རོ་ཙཱ་ནས་བསྒྱུར་བའོ།། །།
236a6 རྒྱ་གར་སྐད་དུ། བཛྲ་ཀཱི་ལ་ཡ་ཤཀྟི་ཨ་གྲ་རཱ་ག་ཏནྟ་ནཱ་མ། བོད་སྐད་དུ། རྡོ་རྗེ་ཕུར་པ་མདུང་རྩེ་དམར་པོའི་རྒྱུད་ཅེས་བྱ་བ། བཅོམ་ལྡན་འདས་དཔལ་རྡོ་རྗེ་གཞོན་ནུ་ལ་ཕྱག་འཚལ་ལོ།། འདི་སྐད་བདག
iiif viewer powered by OpenSeadragon
