| e-texts navigator |
| Wylie |
235a1 གདབ་པར་བྱ།། དེ་ཡང་ཨ་ཀོ་ཊ་ཡིས་སོ།། དེ་ནས་གདབ་པ་ཟིན་པ་དང་།། དགྲ་བགེགས་གང་ཡིན་ཕྱོགས་ངན་དུ།། ལིངྒ་དེ་ནི་བསྲེགས་པར་བྱ།། དེ་ནས་ཤིན་ཏུ་རྣལ་འབྱོར་བསམ།། དེ་བཞིན
235a2 གཤེགས་པ་ཐམས་ཅད་ཀྱི་རང་བཞིན་སྦས་པ་ཟབ་མོ་ལས། ལུས་ངན་བསྒྲལ་བའི་ལེའུ་སྟེ་བདུན་པའོ།། །། དེ་ནས་འཁོར་གྱིས་ཡང་གསོལ་པ།། ཀཱི་ལ་ཡ་ཡི་དབང་དམ་པ།། དེ་རིང་ཁྱོད་ཀྱིས་རྒྱས་པར
235a3 མཛོད།། ཅེས་གསོལ་པས། བཛྲ་ཀཱི་ལ་ཡ་བདག་པོ་དེ། དབྱིངས་རྣམ་པར་དག་པའི་ཏིང་ངེ་འཛིན་ལ་སྙོམས་པར་ཞུགས་ཏེ།། བཀའ་སྩལ་པ།། ཉོན་ཅིག་རིགས་ཀྱི་ཧེ་རུ་ཀ། སེམས་ཅན་བསམ་པའི་དབང་གིས
235a4 ན།། དབང་མཆོག་ཅེས་ནི་རབ་གྲགས་པ།། ཕྱི་དང་ནང་དང་གསང་བ་དང་།། དེ་ལ་དབྱེ་བ་གསུམ་གསུམ་དང་།། ཡང་ན་ཉི་ཤུ་རྩ་གཅིག་དབང་།། བཞི་བཅུ་ཕུར་པ་རེ་རེ་ལ།། དབང་ནི་བསྐུར་དུ་ཡོད་པ་དེ།། དེ་ལ
235a5 དབང་མཆོག་བཞི་རུ་བཤད།། བུམ་པའི་དབང་དང་གསང་བའི་དབང་།། ཤེས་རབ་ཡེ་ཤེས་བདེ་ཆེན་དང་།། ཤིན་ཏུ་རྣལ་འབྱོར་བཞི་པའོ།། དེ་ལྟར་མཁས་པས་གང་རྟོགས་པ།། བྱང་ཆུབ་སེམས་ཀྱི་ཕུར
235a6 པའོ།། འཁོར་གྱིས་གསོལ་པ། དེ་དོན་རྒྱས་པར་བཀའ་སྩལ་འཚལ།། ཀཱི་ལ་ཡ་ཡིས་བཀའ་སྩལ་པ།། རང་བཞིན་སྣང་བའི་མི་དག་ལ།། བསྒྲུབ་ན་ཆགས་པའི་སྲུང་མ་ནི།། བཅུ་གཉིས་དག་ཏུ་ཤེས་པ་ལ།། ཤྲ་ན་མུ
iiif viewer powered by OpenSeadragon
