| e-texts navigator |
| Wylie |
234b1 བིགྷྣཱན་བཾ་ཧཱུཾ་མཱ་ར་ཡ་ཆེ་གེ་མོ་ཕཊ་ཕཊ། ལྟེ་བ་ལ་དཱིཔྟ་ཙཀྲ་ཏིཥྛ་མཱ་ར་ཡ་ཆེ་གེ་མོ་ཕཊ་ཕཊ། གསང་བ་ལ། འདི་ནི་སྔགས་མཆོག་རྒྱལ་པོ་སྟེ། ཁྲོ་བོ་ཕྲ་མེན་ཀུན་གྱི་སྔགས།། ཞེ་སྡང་རྡོ་རྗེ་བསམ་བྱས་ལ།། མེ་དཔུང
234b2 འབར་བའི་རང་རྟགས་ཅན།། མེ་དཔུང་ཨེ་ལ་སུམ་ཆ་ནུབ།། འཇིགས་སུ་རུང་བའི་སྲས་གསུམ་གྱི།། སྔགས་ནི་ཀཱི་ལི་ཀཱི་ལ་ཡ།། ཨ་ཀོ་ཊ་ནི་བཟླ་བར་བྱ།། དེ་བཞིན་གཤེགས་པ་ཐམས་ཅད་ཀྱི་རང་བཞིན་སྦས་པ
234b3 ཟབ་མོ་ལས། སྲས་ཀི་ལ་ཡ་བཏོན་པའི་ལེའུ་སྟེ་དྲུག་པའོ།། །། དེ་ནས་ཀཱི་ལ་ཡའི་བདག་པོ་དེ་རྒྱལ་པོ་སྦྱིན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བཀའ་སྩལ་པ། སྔགས་པ་རྒྱན་གྱི་ཆས་ཀྱི
234b4 རྟགས།། གླང་ཆེན་ཀོ་རློན་ཞིང་གི་ཤུན།། ཐལ་ཆེན་ཞག་དང་རཀྟས་བརྒྱན།། སྟག་གི་ཤམ་བུར་སྦྲུལ་གྱི་ཆུན།། འདི་དག་འཇིགས་པའི་དཔའ་བོའི་ཆས།། རྣམ་རྒྱལ་ལ་སོགས་གོ་རིམ་བཞིན།། ཤར་སྟོད་ནུབ་སྨད
234b5 གཉིས་སུ་ནི།། སྟེང་འོག་ཁྲོ་བོ་སྔ་མ་བཞིན།། རྩིབས་མཚན་ལ་ནི་ཕྲ་མེན་མ།། ཤྲ་ན་ལ་སོགས་རེ་མ་ཏི།། ཡ་བྱིན་ལྕགས་ཀྱུ་ཤར་དུ་དགོད།། ཤྲ་ན་མུ་ཁ་རེ་མ་ཏི།། དེ་བྱིན་ཞགས་པ་ལྷོ་རུ་དགོད།། སྲྀ་ག་མུ་ཁ་རེ་མ
234b6 ཛུ།། བསེ་ཕྱིན་ལྕགས་སྒྲོག་ནུབ་ཏུ་སྟེ།། བྲྀ་ཀ་མུ་ཁ་རེ་མ་ཛཿ། ཕག་བྱིན་དྲིལ་བུ་ནུབ་ཉིད་དུ།། དེ་ལྟར་སྲུང་མ་བཅུ་གཉིས་དང་།། སྒོ་མ་བཞི་ནི་སྤེལ་མར་དགོད།། དེ་ནས་སྲས་མཆོག་ཀཱི་ལ་ཡ།། ལག་ཏུ་བླང་སྟེ
iiif viewer powered by OpenSeadragon
