| e-texts navigator |
| Wylie |
234a1 ཤེས་ལིངྒར་ཁུག་པའོ།། དེ་ཡང་བདག་ཉིད་བཞི་དང་ལྡན།། ཐེ་ཚོམ་མེད་དང་ཡང་དག་གཞུང་།། དམ་ལ་གནས་དང་ལེ་ལོ་སྤང་།། འདི་རྣམས་འགྲུབ་པའི་རྒྱུ་རུ་གྲགས།། ཡང་ན་བྱ་བ་ཐམས་ཅད
234a2 སྤང་།། རྫས་ཚོགས་དགྲ་རྣམས་མེད་པ་རུ།། ཤེས་རབ་རྣམ་གསུམ་ལྡན་པར་བྱ།། དེ་ནས་ཕུར་པའི་རིམ་པ་ནི།། རྡོ་རྗེ་གཞོན་ནུ་ཁྲོ་བོ་བཅུ།། བསྒྲུབ་ཕུར་དངོས་གྲུབ་ནོད་པའོ།། ཕྲ་མེན་སྲུང་མའི་ཕུར་པ་ནི།། སངས
234a3 རྒྱས་རྣམས་ཀྱི་ཕོ་ཉ་ཡིན།། དེས་ཀྱང་གདབ་པར་བྱ་བ་མིན།། སྐུ་གསུང་ཐུགས་ལས་བྱུང་བ་ཡི།། སྲས་མཆོག་ཀཱི་ལ་ཡ་གསུམ་ནི།། གདབ་པའི་ཕུར་པ་དམ་པ་སྟེ།། གུ་གུལ་ཚིལ་ཆེན་དག་དང་ནི།། གོ་རོ་ཙ་ནའི་དུད
234a4 པས་བདུག། དབྱིངས་དང་ལྷུམས་སུ་གཟི་བྱིན་བསྐྱེད།། ནག་པོ་དུག་གཏོར་བྱས་ལ་ནི།། སྐྱེས་ཀྱང་དང་པོ་ལས་ངན་དབང་།། འཇིག་ཀྱང་ཐ་མ་ལས་ཀྱིས་འཇིག། ཨོཾ་ལས་བསྐྱེད་པ་ཧཱུཾ་ཉིད་ནི།། བསྐྱེད་པ་རྐྱེན་གྱི
234a5 སྔགས་ཉིད་དོ།། ད་ནི་བཟླས་པ་རྒྱུན་གྱི་སྔགས།། རབ་ཏུ་ལྡན་པའི་དཀྱིལ་འཁོར་དེ།། ལེགས་པར་གོམས་ཤིང་འདྲིས་པ་དང་།། ཤིན་ཏུ་བརྗོད་ལ་རབ་ཏུ་བཟླས།། འདི་ནི་སྦས་པ་ཟབ་མོ་ཡི།། ངེས་པའི་དྲག་སྔགས
234a6 བསྟན་པར་བྱ།། ཉུང་དཀར་ཉིད་ལ་སྔགས་བྱས་ལ།། སྙིང་ག་ལྟེ་བ་གསང་བ་རུ།། ཉི་མ་དྲོས་དང་དམར་ཐག་ཆད།། ཤིན་ཏུ་དག་པར་བཟླས་པ་བྱ།། ཨོཾ་བཛྲ་ཀཱི་ལི་ཀཱི་ལ་ཡ། མཱ་ར་ཡ་ཆེ་གེ་མོ་ཕཊ་ཕཊ། སྙིང་ལ་སརྦ
iiif viewer powered by OpenSeadragon
