| e-texts navigator |
| Wylie |
233a1 མཐིང་ག་ལ།། བདག་གི་དཀྱིལ་འཁོར་རྒྱས་པར་བསམ།། དེ་ནས་སློབ་མ་གཟུད་པར་བྱ།། དེ་བཞིན་གཤེགས་པ་ཐམས་ཅད་ཀྱི་རང་བཞིན་སྦས་པ་ཟབ་མོ་ལས། རང་གི་དཀྱིལ་འཁོར་གསལ་བར
233a2 བསྟན་པའི་ལེའུ་སྟེ་བཞི་པའོ།། །། དེ་ནས་བཅོམ་ལྡན་འདས་ཀཱི་ལ་ཡའི་བདག་པོ་དེ། ཐམས་ཅད་ཟིལ་གྱིས་གནོན་པའི་ཏིང་ངེ་འཛིན་ལ་སྙོམས་པར་ཞུགས་ནས། ཀརྨ་ཧེ་རུ་ཀ་ལ་སོགས་པ་ལ་བཀའ་སྩལ་པ།
233a3 དེ་དག་རྣམས་ནི་རྒྱུ་ཡི་དོན།། ད་ནི་རབ་ཏུ་བཤད་བྱ་ལ།། རང་གི་གསལ་བའི་ཏིང་འཛིན་ནི།། སྦྱོར་བ་དང་པོ་རྗེས་སུ་སྦྱོར།། ཤིན་ཏུ་སྦྱོར་བའི་ཏིང་འཛིན་དང་།། ལས་ཀྱི་རྒྱལ་བ་མཆོག་དག་དང་།། དཀྱིལ་འཁོར
233a4 རྒྱལ་བ་མཆོག་དག་གོ། ཏིང་འཛིན་རིམ་པ་དེ་རྣམས་དང་།། རྣལ་འབྱོར་རིམ་པའི་སྒོ་དག་དང་།། རྣལ་འབྱོར་དང་ནི་རྣལ་འབྱོར་ཆེ།། རྗེས་སུ་རྣལ་འབྱོར་ཤིན་རྣལ་འབྱོར།། དེ་རླུང་སྟོང་པའི་འཕྱོ་ས་ནི།། ཀུན་བཞིའི
233a5 རྣམ་ཤེས་ཡིན་པ་སྟེ།། ལངས་ཀྱང་དེ་ལ་བསྟིམས་ཡང་ཁོ།། གཞན་ལ་བསྟིམ་པ་མ་ཡིན་ཏེ།། གནས་པ་དེ་ཉིད་ཁོ་ན་ལའོ།། བསྟིམ་པ་རླུང་གི་མན་ངག་གོ། དེ་ནས་གཉིས་པའི་རླུང་དེ་ནི།། ཕྱི་ནང་ལུས་དང་ཤེས་པ
233a6 ལ།། གནས་པ་རླུང་གི་གནས་ཡིན་ཏེ།། གཡས་གཡོན་རིང་པོ་དལ་བ་རྣམས།། ཏིང་འཛིན་དེ་ལ་བསྒྲིབ་མི་བསྒྲིབ།། སེམས་ཀྱིས་སེམས་ལ་བརྟག་པ་ན།། ཕུར་པ་བྱང་ཆུབ་སེམས་སུ་མཐོང་།། དེ་ཡང་རླུང་གི་ཆེ་བས
iiif viewer powered by OpenSeadragon
