| e-texts navigator |
| Wylie |
231b1 ཆུང་།། བརྩམས་ཏེ་ཕྲིན་ལས་བཞིའི་བྲོ་བརྡུང་།། སྟ་གོན་ཉིད་ཀྱང་བྱ་བར་ཤིས།། དེ་ནས་རྫས་གསུམ་ཚོགས་པར་བྱ།། འཚོ་བ་ཟས་དང་དུག་འཇོམས་སྨན།། ནག་པོའི་རིགས་ཀྱི་ཕུར་པ་དག། ཚོགས་པ་རྫས་ཀྱི
231b2 རིམ་པའོ།། མ་ཉམས་གསར་པའི་ཐིག་བཀྱེ་ལ།། རྒྱ་མདུད་དང་པོའི་གཞལ་ཡས་ལ།། རིགས་ལྔའི་རྒྱལ་བ་འཁོར་དང་བཅས།། སྤྱི་དང་རྩེ་ལ་ཡབ་ཡུམ་གཉིས།། རྒྱ་མདུད་འོག་མའི་གཞལ་ཡས་ལ།། སྟེང་འོག་ཁྲོ་བོ
231b3 འཁོར་དང་བཅས།། ཟུར་བརྒྱད་ཁྲོ་མོ་ཕྲ་མེན་མ།། བཅུ་གཉིས་སྲུང་མ་ཟུར་གསུམ་ལོགས།། སྒོ་མ་བཞི་ནི་རྩིབས་མཚན་ལ།། དེ་ལྟར་གྲུ་གསུམ་ཡུམ་ཉིད་ལ།། ཕུར་པའི་རྫས་རྣམས་དགོད་པར་བྱ།། དེ་ཡང་འཁོར
231b4 ལོ་རྩིབས་བཅུ་ལ།། སྟོབས་པོ་ཆེ་དང་ཧཱུཾ་ཀཱ་ར།། ཤར་སྟོད་ནུབ་སྨད་གཉིས་སུ་དགོད།། གཞན་རྣམས་རིམ་པ་དགོད་པར་བྱ།། བྱང་ཆུབ་སེམས་ཀྱི་ཕུར་པ་ནི།། ཕུར་པ་ཀུན་གྱི་རྒྱུ་རུ་གྲགས།། ཕུར་པ་ཕུར་པ་ཞེས་བྱ
231b5 བ།། ཕུར་པ་ཐུགས་ཀྱི་ཕུར་པ་མཆོག། དེ་བཞིན་གཤེགས་པ་ཐམས་ཅད་ཀྱི་རང་བཞིན་སྦས་པ་ཟབ་མོ་ལས། རྫས་ཀྱི་རིམ་པ་བསྟན་པའི་ལེའུ་སྟེ་གཉིས་པའོ།། །། དེ་ནས་ཀརྨ་ཧེ་རུ་ཀ་ལ་སོགས་པས་ཀཱི་ལ
231b6 ཡའི་བདག་པོ་ལ་གསོལ་པ།། དབང་སྡུད་ཕུར་པ་ཇི་ལྟར་ལགས།། མནན་པའི་ཕུར་པ་ཇི་ལྟར་ལགས།། འགུགས་པའི་ཕུར་པ་ཇི་ལྟར་ལགས།། གདབ་པའི་ཕུར་པ་ཇི་ལྟར་ལགས།། དཔུང་དཔྲལ་ཕུར་པ་ཇི་ལྟར
iiif viewer powered by OpenSeadragon
