| e-texts navigator |
| Wylie |
231a1 ལ་ཉམས་པའི་མཚན་ཉིད་ནི།། ཡང་དག་མ་ཡིན་སྤྱོད་པ་མཐོ།། འདི་ཡང་བསྒྲལ་བའི་དམིགས་དམ་པ།། བཀའ་ལས་ཉམས་པ་འདི་ལྟ་བུ།། དམ་པའི་གསང་བ་འཆོལ་བར་སྤྱོད།། དམ་ཚིག་ངེས་དོན
231a2 མིང་གིས་ཀྱང་།། སྐུ་གསུང་ཐུགས་ཀྱི་དམ་ལས་འདས།། དེ་ཡང་བསྒྲལ་བའི་དམིགས་ཡིན་ནོ།། ལས་ཀྱི་ཉམས་པའི་མཚན་ཉིད་ནི།། འཆི་བར་ཤེས་ཀྱང་རྣལ་འབྱོར་འཚེ།། དུག་ཏུ་ཤེས་ཀྱང་ལྟོ་རུ་བཟའ།། ལས
231a3 ཀྱིས་ཉམས་ཏེ་མྱུར་བར་བསྒྲལ།། འདོད་པས་ཉམས་པ་རྐུ་འཕྲོག་སོགས།། མཚན་མས་ཉམས་པ་མཚན་མེད་སྤོང་།། འདི་བདུན་ཤིན་ཏུ་བརྩོན་བྱས་ལ།། དྲག་པོའི་ལས་འདི་བརྩམ་པར་བྱ།། དེ་བཞིན་གཤེགས
231a4 པ་ཐམས་ཅད་ཀྱི་རང་བཞིན། སྦས་པ་ཟབ་མོ་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་དཔལ་ཀཱི་ལ་ཡའི་བདག་པོ་དེ། དབང་བསྒྱུར་དམ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཀརྨ་ཏེ
231a5 རུ་ཀ་ལ་སོགས་པ་རྣམས་ལ་བཀའ་སྩལ་པ། ཕུར་པ་བསྒྲུབ་པའི་གནས་དེ་ནི།། མ་མོའི་གནས་སམ་ཤིང་གཅིག་དྲུང་།། འབྱུང་པོ་མང་པོ་གང་ཡོད་པར།། བྱས་ན་ལས་ལ་ཕན་འདོགས་ཡོད།། བཀྲ་མི་ཤིས་པར་བྱས
231a6 གྱུར་ན།། གྲིབ་འབྱིན་ཤུགས་ཀྱིས་གཏིང་འཛིན་འགྲིབ།། ས་ལ་གཡུལ་ནི་བཀྱེ་བར་ནི།། བྱ་བར་ཤིན་ཏུ་བཟང་བའོ།། ཟླ་བ་མར་གྱི་ངོ་དག་ལ།། མིག་དམར་རྒྱུ་བའི་དུས་དག་ཏུ།། ས་ལ་སྟེགས་བུ་ཆེའམ
iiif viewer powered by OpenSeadragon
