| e-texts navigator |
| Wylie |
22b1 པ་མེད།། ཕུར་ནི་རིག་པ་བྱང་ཆུབ་སེམས།། པ་ནི་ཐམས་ཅད་དེར་གྲུབ་པས།། ཕུར་ནི་ཐམས་ཅད་བྱང་ཆུབ་སེམས།། པ་ནི་ཐམས་ཅད་ཀུན་ཏུ་ཁྱབ།། ཕུར་ནི་ཐམས་ཅད་གཙོ་བོའི་མཆོག། པ་ནི་ཐམས་ཅད་འཁོར
22b2 གྱི་ཚུལ།། ཕུར་ནི་ཐམས་ཅད་སྐྱེ་བ་མེད།། པ་ནི་རོལ་པ་འགག་པ་མེད།། ཕུར་ནི་བྱང་ཆུབ་སེམས་སུ་གཅིག། པ་ནི་ཐམས་ཅད་དེ་རུ་འགྲུབ།། ཆོས་ཉིད་ཕུར་པ་ཐམས་ཅད་རྒྱུད།། བསྐུལ་བ་ཆོས་ཀྱི་དབྱིངས་ལ
22b3 གདབ།། ཐུགས་རྗེའི་ཕུར་པ་ཉོན་མོངས་ལོག་པར་འཁྱམས་པ་རྣམས་ལ་གདབ།། གསང་བ་བྱང་ཆུབ་སེམས་ཀྱི་ཕུར་པ་ནི།། རྟོག་ཚོག་རྡུང་ཕྱིར་ཡུམ་གྱི་མཁའ་ལ་གདབ།། མཚན་མ་རྫས་ཀྱི་ཕུར་པ་ནི།། བསྒྲལ་ཕྱིར
22b4 དགྲ་བགེགས་གཉིས་ལ་གདབ།། རྒྱུད་ཀྱི་རྒྱལ་པོ་ཁྲོ་བོ་ཧཱུཾ་ཀ་རའི་རྒྱུད་ལས། ཕུར་པའི་དོན་བསྟན་པའི་ལེའུ་སྟེ་བཞི་པའོ།། །། དེ་ནས་བཅོམ་ལྡན་ཁྲག་འཐུང་གི་རྒྱལ་པོ་དེས། འཁོར་རྣམས་ལ་འདི་སྐད་ཅེས
22b5 གསུངས་སོ།། དེ་ནས་ཕག་གི་མགོ་ཅན་དང་།། སྨིག་བུའི་མགོ་ཅན་ལ་སོགས་པས།། གསོལ་བ་གདབ་པའི་ཕྱིར་འདི་སྐད་དོ།། ཀྱེ་མ་གསང་བ་བདག་ཉིད་གཙོ།། སྐུ་གསུང་ཐུགས་ནི་རབ་ཟབ་པས།། རྒྱ་མཚོ་ལྟ་བུའི
22b6 ང་ཚུལ་ཅན།། སྐྱེ་མེད་དོན་ལྡན་ཁྱོད་ལ་བསྟོད།། གསང་སྔགས་བདག་པོ་ཁྱོད་ལ་བསྟོད།། ཐེག་པའི་རང་བཞིན་ཁྱོད་ལ་བསྟོད།། ཐམས་ཅད་མངའ་བདག་ཁྱོད་ལ་བསྟོད།། རོལ་པའི་བདག་ཉིད་ཁྱོད་ལ
iiif viewer powered by OpenSeadragon
