| e-texts navigator |
| Wylie |
229b1 གདབ།། བླ་མ་ཆེན་པོས་སྣོད་དང་དོན་ལ་གདབ།། ནམ་མཁའི་མཚན་ཉིད་རྣམ་པར་རྟོག་ལ་གདབ།། སེམས་ཀྱི་སེམས་ཉིད་རྟོགས་པའི་བློ་ལའོ།། དབྱིངས་ལ་བཏབ་པས་དོན་རྣམས་རྫོགས་པར་བྱེད།། སེམས་ལ
229b2 བཏབ་པས་རིག་པའི་ཡེ་ཤེས་ཤར།། ཆོས་ཉིད་མྱ་ངན་འདས་པའི་དབྱིངས་སུ་གདབ།། དེ་ལྟའི་དོན་གྱིས་ཐེབ་པ་གྱུར་པའི་ཚེ།། འཁོར་བའི་མཚན་ཉིད་མྱ་ངན་འདས་པར་བཟླ།། སྡུག་བསྔལ་དེ་ཉིད་ཆོས་ཉིད་བྱང
229b3 ཆུབ་སེམས།། རྣམ་རྟོག་ལས་ནི་ཡེ་ཤེས་སྐྱེ་འགྱུར་ཞིང་།། དམྱལ་བའི་གནས་ཉིད་འོག་མིན་བླ་མེད་གནས།། དེ་ཚེ་མ་ལུས་ཕུར་པ་གདབ་ཅེས་བྱ།། དོན་དམ་ངེས་པར་གྱུར་པ་ལྟ་བ་ཡིན།། གསལ་བ་རྣམ་རྟོག་བྲལ
229b4 བ་བསྒོམས་པ་ཡིན།། བྱ་བྲལ་ཚོགས་གཉིས་རྫོགས་པ་འབྲས་བུ་ཡིན།། ཞེན་ཆགས་འཛིན་པ་མེད་པ་སྤྱོད་པ་ཡིན།། འཁོར་འདས་གཉིས་སུ་མེད་ན་སྦྱོར་བ་ཡིན།། ཐུགས་རྗེའི་གཟུངས་ཀྱིས་འཛིན་ན་སྒྲོལ་བ
229b5 ཡིན།། དོན་གཉིས་ལྷངས་ཀྱིས་རྟོགས་ན་ཐེབ་པ་ཡིན།། གང་དུ་མི་རྟོག་འཛིན་པ་དམ་ཚིག་ཡིན།། ཐེབ་ཤོར་མེད་པའི་དོན་རྟོགས་མན་ངག་ཡིན།། མངོན་དུ་གྱུར་ན་མངོན་སུམ་དཀྱིལ་འཁོར་ཡིན།། དོན་གཉིས
229b6 མས་སུ་ལོན་ན་ཏིང་འཛིན་ཡིན།། གནས་སུ་བསྟབ་པ་མཆོད་པ་ཆེན་པོ་ཡིན།། བྱར་མེད་ལྷུན་གྱིས་གྲུབ་པ་ཕྲིན་ལས་ཡིན།། རིག་པ་གདེང་དུ་གྱུར་པ་དབང་མཆོག་སྟེ།། དེས་ན་ཐམས་ཅད་མ་ལུས་ཕུར་པའི
iiif viewer powered by OpenSeadragon
