| e-texts navigator |
| Wylie |
229a1 པས་དམྱལ་ཁམས་བཅོ་བརྒྱད་དུ།། བསྐལ་པ་གྲངས་མེད་གསུམ་དུ་སྡུག་བསྔལ་མྱོང་།། དེ་བས་རྣལ་འབྱོར་ཕལ་གྱིས་བྱར་མི་རུང་།། ཕུར་པ་གསང་བ་དོན་རྒྱུད་ལས། ཏིང་ངེ་འཛིན་གྱི་ལེའུ་སྟེ་བཞི
229a2 པའོ།། །། དེ་ནས་བཅོམ་ལྡན་འདས་ཆོས་དབྱིངས་དམ་པའི་སྐུ་ལ་རིག་ཡེ་ཤེས་ཀྱིས་བསྐུལ་བ། རང་བྱུང་བ་ནི་འདི་ལྟ་སྟེ། ཆོས་ཉིད་མྱ་ངན་འདས་པ་ཕུར་པའི་དོན།། རྒྱུ་འབྲས་གཉིས་ལས་འདས་པའི་བྱང
229a3 ཆུབ་སེམས།། དོན་དམ་ཆོས་ཉིད་རང་བྱུང་ཕུར་པ་ནི།། ཕུར་ནི་ཆོས་དབྱིངས་པ་ནི་མྱ་ངན་འདས།། ཕུར་ནི་ཡེ་ཤེས་པ་ཉིད་བྱང་ཆུབ་སེམས།། ཐུགས་རྗེ་ཆེན་པོའི་ཕུར་པ་བླ་མའི་དོན།། ནམ་མཁའི་མཚན་ཉིད་སེམས
229a4 ཀྱི་མཚན་ཉིད་ཡིན།། རྒྱུད་ཀྱི་རྒྱལ་པོ་ལུང་གི་བླ་མེད་པ།། མན་ངག་ངེས་པའི་ངོ་བོ་ཀུན་དང་བྲལ།། དོན་དམ་བརྗོད་མེད་བལྟ་རུ་མེད་པ་ཡིན།། སྐྱེ་དང་འགག་མེད་གཟུང་དང་འཛིན་པ་མེད།། གསལ་ལ་འགྲིབ་མེད
229a5 འཕོ་འགྱུར་མེད་པའི་དོན།། མཐའ་བྲལ་སྒྲོ་སྐུར་འཁོར་འདས་གཉིས་སུ་མེད།། སྣང་སྟོང་དབྱེར་མེད་ཐ་དད་མེད་པའི་དོན།། ཐེབ་ཤོར་མེད་ཅིང་གསལ་ལ་རྣམ་རྟོག་བྲལ།། ཆོས་ཀྱི་དབྱིངས་ཀྱིས་གཟུང་འཛིན
229a6 གཉིས་ལ་གདབ།། མྱ་ངན་འདས་པས་འཁོར་བའི་ཆོས་ལ་གདབ།། ཡེ་ཤེས་ཆེན་པོས་མཉམ་པ་ཉིད་ལ་གདབ།། བྱང་ཆུབ་སེམས་ཀྱིས་ཤེས་རབ་ཐབས་ལ་གདབ།། ཐུགས་རྗེའི་ཕུར་པ་འགྲོ་དྲུག་ཀུན་ལ
iiif viewer powered by OpenSeadragon
