| e-texts navigator |
| Wylie |
228b1 མ་མཁའ་འདྲ་སྟེ་རྣམ་རྟོག་བྲལ།། རྟོགས་པའི་གདེང་ལྡན་ཆོས་ཉིད་གཏན་ལ་དབབ།། གདོད་ནས་མ་སྐྱེས་ཆོས་ཀྱི་དབྱིངས་སུ་དག། རིག་པ་བྱང་ཆུབ་སེམས་ཉིད་རྟོགས་ནས་ཀྱང་།། རང་བཞིན་མ་སྐྱེས་ཡོངས་སུ
228b2 གྲུབ་པའི་སྐུ།། སྣང་ལ་རང་བཞིན་མེད་པ་འཇའ་ཚོན་འདྲ།། ཆུ་ཟླ་ལྟ་བུའི་སངས་རྒྱས་འོད་དང་ལྡན།། ཐུགས་ཀར་དཔལ་བེའུ་ཡི་གེ་འབྲུ་དགུ་ནི།། གསེར་ལ་འཕྲ་བཀོད་བཞིན་དུ་གསལ་བསྒོམས་ཏེ།། རྫོགས་པའི
228b3 རིམ་པ་གདམས་ངག་ཚུལ་བཞིན་བསྒོམ།། རྒོད་ན་སྐྱེ་མེད་རྨུགས་ན་ཆོས་ཉིད་ལ།། འཕྲོ་ན་བདེ་ཆེན་བྱིང་ན་ཁྲོ་བོ་སྟེ།། ཡེ་ཤེས་ལྔ་ཡི་བསྙེན་པའི་ཏིང་ངེ་འཛིན།། འཛབ་ཀྱི་དགོངས་པ་ཆུ་བོའི་རྒྱུན་བཞིན་ནོ།། ཆོས
228b4 ཉིད་ངང་ལས་སྔགས་ཀྱི་སྒྲ་དབྱངས་བླང་།། སེམས་འཛིན་བསམ་གཏན་ཏིང་འཛིན་མ་ཡེངས་བསྒོམ།། དབྱིངས་ཀྱི་ངང་ལས་རང་བྱུང་རང་གྲགས་བསམ།། དེ་ཚེ་རྣམ་རྟོག་དགྲ་ཆེན་ཐམས་ཅད་ཀུན།། གཟུང་འཛིན
228b5 མཚན་མ་མེད་པའི་དབྱིངས་སུ་ཕུར།། གདེང་ལྡན་རྣལ་འབྱོར་ཉེས་པས་མ་གོས་པས།། སྙིང་རྗེས་བསྒྲལ་བའི་དམ་ཚིག་བསད་བཅད་པ།། ཞེ་སྡང་རང་རྒྱུད་སེམས་ཀྱིས་མ་ཡིན་ཏེ།། བྱམས་དང་སྙིང་རྗེ་ལྡན་པའི་རྣལ
228b6 འབྱོར་པས།། རྟོགས་པ་ཀློང་དུ་གྱུར་པས་དབྱིངས་སུ་སྒྲོལ།། ཏིང་འཛིན་དྲོད་ཚད་ལས་སུ་རུང་གྱུར་ན།། ནམ་ཡང་ཉེས་པའི་སྐྱོན་གྱིས་གོས་མི་འགྱུར།། སྒྲོལ་བར་རང་རྒྱུད་ལས་ཀྱི་སྲིན་པོར་སྐྱེས།། རྣམ་པར་སྨིན
iiif viewer powered by OpenSeadragon
