| e-texts navigator |
| Wylie |
228a1 གྲངས་མཚོན་དེ་བསྟན།། ཞེས་འབྱུང་། ཕུར་པ་གསང་བའི་དོན་རྒྱུད་ལས། དེ་ཁོ་ན་ཉིད་གཏན་ལ་དབབ་པའི་ལེའུ་སྟེ་གསུམ་པའོ།། །། དེ་ནས་ཡང་རིག་པའི་ཡེ་ཤེས་ཀྱིས། ཆོས་ཀྱིས
228a2 དབྱིངས་ལ་བསྐུལ་བ་རང་བྱུང་འདི་སྐད་དོ།། ཐོག་མར་ཤེས་རབ་གསུམ་ལ་བློ་སྦྱངས་པས།། སྤྱི་དང་རང་གི་མཚན་ཉིད་དབབ་པ་དང་།། བལྟ་བའི་སྒྲོ་འདོགས་བཅད་ཅིང་ལ་བཟླས་ཏེ།། ཏིང་འཛིན་ཉམས་ཀྱི་དྲོད
228a3 ཚད་ཤུགས་ལས་འབྱུང་།། བྱང་ཆུབ་སེམས་ཀྱི་དོན་ལ་འདྲིས་པར་བྱ།། མཉམ་པ་ཉིད་ཀྱི་དོན་ལ་བློ་བཞག་སྟེ།། གཟུང་འཛིན་བག་ཆགས་མཚན་མ་དག་པར་བྱ།། དངོས་པོ་ཐམས་ཅད་མི་རྟོག་ཟིལ་གྱིས
228a4 མནན།། ཉོན་མོངས་ཀུན་ཀྱང་དབང་དུ་བྱ་ཞིང་བླང་།། བསྒོམ་དུ་མེད་པའི་དོན་ཉིད་རྟོགས་པར་བྱ།། ཡང་ན་སངས་རྒྱས་དགོངས་པ་རྣལ་དུ་དབབ།། མཉམ་ཉིད་ངང་ལ་དུས་གསུམ་རྒྱུན་དུ་གནས།། ཕྱི་རོལ་ཡུལ་གྱི།
228a5 ཞེན་པ་བཅད་བྱས་ལ།། དོན་དམ་སྐྱེ་མེད་ཆོས་ཀྱི་དབྱིངས་སུ་བསྒོམ།། ཆོས་ཉིད་རིག་པའི་ཡེ་ཤེས་དག་ལ་ནི།། ཤེས་པ་སངས་སྟོངས་ཇི་བཞིན་ཇེ་གསལ་བསྒོམ།། རྣམ་པར་མི་རྟོག་ཡེ་ནས་སྐྱེ་མེད་ལས།། སྐྱེ་བའི
228a6 ཆོ་འཕྲུལ་སྣ་ཚོགས་ཅིར་ཡང་ཤར།། ཅིར་ཡང་མ་ཡིན་ཅིར་སྣང་ཆོས་ཀྱི་སྐུ།། སྟོང་ཉིད་སྣང་བ་སྣང་བ་སྟོང་པ་ཉིད།། སོ་སོ་མ་ཡིན་ཐ་དད་མེད་པར་བསླབ།། ཉམས་བླང་ཚེ་ན་ལུས་ངག་བཅོས་སུ་མེད།། སེམས་ཉིད
iiif viewer powered by OpenSeadragon
