| e-texts navigator |
| Wylie |
227a1 བ་དེ་ཉིད་སེམས་ལས་བྱུང་།། མི་རྟོག་ཡེ་ཤེས་རྣམ་རྟོག་བགེགས་རྣམས་སེལ།། ཆོས་ཀུན་རང་བཞིན་རྣམ་དག་འོད་གསལ་དང་།། ཆོས་རྣམས་ཐམས་ཅད་ཡེ་ནས་སྟོང་ཞིང་དབེན།། དང་ངམ་ཤུགས
227a2 ཀྱིས་རང་བཞིན་ཐུགས་རྗེ་འབྱུང་།། སེམས་ཉིད་སྐྱེ་མེད་ཆོ་འཕྲུལ་ཡི་གེར་ཤར།། འབྱུང་བ་ལྔ་ནི་ཆོས་ཉིད་ཡུམ་གྱི་མཁའ།། ཉོན་མོངས་ལྔ་དག་ཡེ་ཤེས་ལྔ་ལྡན་ཞིང་།། སྲིད་པ་གསུམ་སྟོན་རྡོ་རྗེ་ཕུར་པའི་ལྷ།། ཡེ
227a3 ཤེས་ཁྲོ་བོ་དང་དང་ཤུགས་ལས་གྲུབ།། གཉིས་མེད་ཚུལ་གྱིས་མ་གཤེགས་སྲིད་པར་བྱོན།། བླ་མེད་དབྱིངས་ཀྱི་ངང་དུ་རོ་གཅིག་ཐིམ།། ཆོས་ཉིད་བདེ་ཆེན་སྐྱེ་མེད་བརྗོད་དང་བྲལ།། ཐབས་ཀྱི་སྤྱོད་པས་འགྲོ་ཀུན
227a4 དབྱིངས་སུ་སྡུད།། མ་བརྟགས་བཞིན་དུ་ཡེ་ནས་ལྷུན་གྱི་གྲུབ།། ཀུན་བཞི་རྣམ་ཤེས་འོག་མིན་གནས་སུ་སྦྱོར།། དེ་ཚེ་ཁམས་གསུམ་འཁོར་བའི་གནས་ལས་བསྒྲལ། དེ་ལྟར་དོན་ཤེས་རིག་ཅིང་རྟོགས་པའི་ཚེ།། སྐུ
227a5 གསུང་ཐུགས་ཀྱི་ས་ལ་ངེས་པར་ཕྱིན།། ཕུར་པ་གསང་བ་དོན་རྒྱུད་ལས། ཡེ་ནས་རང་བཞིན་གནས་པའི་ལེའུ་སྟེ་གཉིས་པའོ།། །། དེ་ནས་རིག་པ་ཡེ་ཤེས་ཀྱིས།། ཆོས་ཀྱི་དབྱིངས་ལ་བསྐུལ་བ་ལས།། ཆོས
227a6 ཉིད་ངང་ལས་རང་སྒྲར་ཤར་བའོ།། ཨེ་མ་ཧོ། རང་བཞིན་སྐྱེ་བ་མེད་པའི་ཆོས་ཉིད་ལ།། ཚིག་དང་ཡི་གེར་བསྟན་མེད་བརྗོད་དང་བྲལ། སྐྱེ་མེད་ཆོས་དེ་སྣ་ཚོགས་སྟོན་པར་བྱེད།། བརྗོད་མེད་དེ་ཉིད་རྗོད་པ་ཀུན་གྱི
iiif viewer powered by OpenSeadragon
