| e-texts navigator |
| Wylie |
226b1 གཉིས་སུ་མེད་པའི་ཚུལ་གྱིས་ཐབས་ཅིག་ཏུ་བཞུགས་སོ།། དེའི་ཚེ་རིག་པའི་ཡེ་ཤེས་ཀྱིས། ཆོས་ཀྱི་སྐུ་ལ་བསྐུལ་བ་ནི། འདི་ལྟ་སྟེ། མ་སྐྱེས་གདོད་ནས་དག་པ་ཆོས་ཀྱི་སྐུ།། མ་ནོར་མ་བཅོས་ཆོས་དབྱིངས་སྤྲོས་དང
226b2 བྲལ།། བརྡལ་བ་ཆེན་པོས་ཡོངས་ལ་རང་བཞིན་གནས།། དེ་ཉིད་མ་རྟོགས་མ་རིག་འཁོར་བ་ལས།། ཐབས་མཁས་ཐུགས་རྗེ་ཆེན་པོས་བསྟན་དུ་གསོལ།། ཞེས་པའི་ཚུལ་གྱིས་ཞུས་པས། ཆོས་ཀྱི་སྐུ་ལས་རང་བྱུང་དུ
226b3 གསུངས་པ། ཨེ་མ་ཡེ་ནས་སངས་རྒྱས་ཀ་དག་རང་བཞིན་ཀྱང་།། འོན་ཀྱང་མ་རིག་རྟོག་པའི་བློ་འཁྲུལ་པས།། གཟུང་འཛིན་ལོག་རྟོག་སྡུག་བསྔལ་འཁྱམས་པ་ལས།། ཡེ་དག་ཡེ་གྲོལ་ཡེ་སངས་རྒྱས་པའི་དོན།། མ
226b4 རྟོག་བློ་ལ་བརྗོད་མེད་དོན་ཉིད་བསྟན།། ཞེས་གསུངས་སོ།། ཕུར་པ་གསང་བ་དོན་གྱི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་རིག་པའི་ཡེ་ཤེས་ཀྱིས། ཆོས་ཀྱི་དབྱིངས་ལ་བསྐུལ་བ་འདི་ལྟ
226b5 སྟེ།། ཡེ་ནས་མ་བཅོས་ལྷུན་གྱིས་གྲུབ་པའི་ངང་།། འཇིག་རྟེན་ཁམས་ཀུན་ཡེ་ནས་དག་པའི་གནས།། བཟང་ངན་གཉིས་མེད་དུས་ཤེས་རྟོགས་པའོ།། སེམས་ཉིད་ཡིད་བཞིན་དགོས་འདོད་སྣ་ཚོགས་འབྱུང་།། རྣམ
226b6 ཤེས་སྣ་ཚོགས་ཡེ་ཤེས་རྟོགས་པའི་འཁོར།། བདག་ཉིད་སངས་རྒྱས་སྣང་ལ་རང་བཞིན་མེད།། བསོད་ནམས་ཡེ་ཤེས་ཚོགས་ཀྱང་རྫོགས་པར་རོལ།། ཀུན་ཏུ་བཟང་པོའི་མཆོད་སྤྲིན་སྣ་ཚོགས་རོལ།། ཕྱི་ནང་གསང།
iiif viewer powered by OpenSeadragon
