| e-texts navigator |
| Wylie |
226a1 ཆོས་ཀྱི་སྐུ་ལ་ཕྱག་འཚལ་ལོ།། འདི་ལྟར་སངས་རྒྱས་པའི་དུས་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བར་གཤེགས་པ་རྒྱལ་བ་ཀུན་གྱི
226a2 གཙོ་བོ། རིགས་ཐམས་ཅད་ཀྱི་བདག་ཉིད་ཆོས་ཀྱི་དབྱིངས་ཡེ་ཤེས་ཀྱི་སྐུ་གཉིས་སུ་མེད་པ། བདེ་བ་ཆེན་པོ་མྱ་ངན་ལས་འདས་པ། མ་སྐྱེས་ཡོངས་སུ་གྲུབ་པའི་སྐུ། སྐྱེ་བ་མེད་པ་ལས། འགག་པ་མེད་ཅིང་རོལ་པ
226a3 ཆེན་པོའི་སྐུ། སྣང་ལ་རང་བཞིན་མེད་པའི་ཚུལ་གྱིས། འོག་མིན་ཆེན་པོའི་གནས། གསང་བའི་མཆོག་དམ་པ། མཁའ་དབྱིངས་རྣམ་པར་དག་པའི་གཞལ་ཡས་ཁང་། དཔག་ཅིང་གཞལ་བ་ལས་འདས་པ། གནས་ཀྱི
226a4 མཆོག། མཐའ་དང་དབུས་མེད་པའི་ཆོས་ཀྱི་དབྱིངས་ཀྱི་ཕོ་བྲང་། དབྱིངས་དང་ཡེ་ཤེས་གཉིས་སུ་མེད་པའི་ཁྱད་པར་ལས། སྐྱེ་བ་དང་འགག་པའི་ཚུལ་གྱིས། ཡེ་ཤེས་ལ་ཡེ་ཤེས་རོལ་པ་དང་། ཆོས་ཉིད་ལ་ཆོས་ཉིད
226a5 རོལ་པ་དང་། སྐུ་སྐྱེ་བ་མེད་པ་དང་། གསུང་འགག་པ་མེད་པ་དང་། ཐུགས་མི་གཡོ་བའི་ཏིང་ངེ་འཛིན་གྱི་སྒོ་འབུམ་ཕྲག་མང་པོ་དང་། སྟོང་པ་ཉིད་ཀྱི་ཡེ་ཤེས་དང་གསལ་བ་རྟོག་པ་མེད་པ་དང་། གཉིས་སུ་མེད་པར
226a6 མཉམ་པ་ཉིད་དང་། མ་འདྲེས་པ་སོ་སོར་རྟོག་པ་དང་། དམིགས་སུ་མེད་པའི་ཐུགས་རྗེ་དང་། སྟོབས་བཅུ་དང་། ཕ་རོལ་ཏུ་ཕྱིན་པ་བཅུ་དང་། ཚད་མེད་པ་བཞི་དང་། རིགས་ལྔ་དང་། སྟོང་པ་ཉིད་ཀྱི་སྒོ་དང་སྣང་བ
iiif viewer powered by OpenSeadragon
