| e-texts navigator |
| Wylie |
224a1 ཁྱད་པར་ཅན་གྱི་སྦྱོར་བ་བསྟན།། གསེར་དང་དངུལ་དང་འཁར་བ་སོགས།། སེམས་ཅན་གཞན་གྱི་མ་སྤྱད་པ།། དང་པོར་ས་ལས་རྙེད་པ་ཡི།། ཕུར་པ་བཟོ་བོས་ལེགས་བྱས་པ།། སྦོམ་པོ་བརྒྱད་པ་སྟོང
224a2 ཡིན་ཏེ།། ཤར་ཕྱོགས་ནས་ཀྱི་དྲང་སྲོང་མཆོག། ལམ་གཉིས་ཕྱོགས་མཚམས་གནས་དུས་སུ།། མཁས་པས་ལམ་གཉིས་ཡུལ་གྱི་དབྱིབས།། ནམ་མཁའ་རྡོ་རྗེའི་དབུས་གནས་སུ།། དཔའ་བོས་ལས་རྣམས་ཐམས་ཅད
224a3 ལ།། ལམ་གཉིས་པ་ནི་བདེ་བའི་མཆོག། ཨོཾ་ཀི་ཀ་ཡ་སརྦ་ཀཱི་ལ་ཡ་མ་ནུ་སརྦ་ཀཱི་ལ་ཡ་དུཿཁ་ཙྪེད་མ་ཧཱ་སུ་ཁ་ཨོཾ་ཨཱ་ཧཱུཾ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ
224a4 ཆེན་པོ་ལས། དང་པོའི་ཕུར་པ་ལས་བྱས་པའི་ཕུར་པ་རྣམ་བརྟག་པ་ཞེས་བྱ་བའི་ལེའུ་སྟེ་ཞེ་བདུན་པའོ།། །། དེ་ནས་བཅོམ་ལྡན་འདས་རྡོ་རྗེ་ཚོ་བ་ཆེན་པོའི་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར
224a5 ཞུགས་ནས། ལོངས་སྤྱོད་ཕུན་སུམ་ཚོགས་པར་བསྡུ་བ་ཞེས་བྱ་བ་འདི་གསུངས་སོ།། ཟླ་བ་རྒྱས་པའི་གནས་འདྲ་བ།། རྡོ་རྗེ་ཟླ་རྒྱས་དབུས་སུ་བསམ།། གསེར་ལས་སོར་མོ་བརྒྱད་འབར་བ།། གནོད་པ་གཉིས་ནི
224a6 རྐང་འགྲོ་རྣམས།། བ་ན་གླང་སྟེང་དུ་མཁས་པས་བརྟག། བརྒྱ་རྩ་བརྒྱད་ཀྱི་ཚད་ཡིན་ནོ།། ཨོཾ་ཀཱི་ལ་ཡ་སརྦ་ཧི་ཏི་ཛ་བུ་ཞེས་མ་ཡོ་ཨོཾ་ཨཱ་ཕཊ། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ
iiif viewer powered by OpenSeadragon
