| e-texts navigator |
| Wylie |
220b1 པའོ།། །། དེ་ནས་བཅོམ་ལྡན་འདས་རྡོ་རྗེའི་སྟོབས་སྣང་བར་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གནོད་སྦྱིན་དང་ཤ་ཟ་ལ་སོགས་པ་བཅིང་བའི་ཆོ་ག་འདི་གསུངས་སོ།། གླང་པོའི
220b2 སོ་ལས་སྦོམ་པོ་ཡི།། བཅུ་གཉིས་པ་ཡི་ཚད་དུ་བྱ།། ལན་གྲངས་སྟོང་དུ་ཚང་བ་དང་། དུར་ཁྲོད་རྣམ་གསུམ་བཏབ་བྱས་ན།། བགེགས་ཀྱི་རྫུ་འཕྲུལ་བཅིངས་པར་འགྱུར།། དབྱུང་ན་ཞི་བའི་གཏོར་མ་བཏང་།། སྟོབས
220b3 པོ་ཆེ་ཡི་ཕྱག་རྒྱས་མནན།། འདི་ནི་སྟོབས་ཆེན་གསང་སྔགས་ཏེ།། ཨོཾ་བཛྲ་ཀྲོ་དྷ་མ་ཧཱ་བ་ལ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། བིནྣ་བིནྣ། ཙྪིནྡ་ཙྪིནྡ། རྦ་ནརྦ་ན། ཧཱུཾ་ཧཱུཾ་ཕཊ་ཕཊ། སྟོབས་པོ་ཆེ་ཡི་གསང་སྔགས
220b4 ཏེ།། སྟོབས་ཆེན་བརྟན་པ་ལ་སོགས་ཏེ།། འབད་ལས་ཞི་བའི་གཏོར་མ་སོགས།། མཁས་པས་སྤྱི་ཡི་ལས་སུ་བྱ།། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན
220b5 པོ་ལས། གླང་པོ་ཆེའི་སོ་ལས་བྱས་པའི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་སོ་ལྔ་པའོ།། །། དེ་ནས་བཅོམ་ལྡན་འདས་ཐོགས་པ་མེད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས།
220b6 དགུག་པ་ཆེན་པོའི་རྣམ་པར་བརྟག་པ་འདི་གསུངས་སོ།། མཁས་པས་སྤྱི་ཡི་ལས་རྣམས་ཤེས།། གླང་པོའི་ལྕགས་ཀྱུ་བསྒྲུབ་ན་ནི།། མཁས་པས་བཟོ་བོ་ཚིམ་པར་བྱ།། སྦོམ་པོའི་ཚད་ནི་བརྒྱད་ཡིན་ཏེ།། བརྒྱ་རྩ
iiif viewer powered by OpenSeadragon
