| e-texts navigator |
| Wylie |
219a1 ཀྱི་རྒྱལ་པོ་ཆེན་པོ་ལས། རྨ་ཤིང་གི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ཉི་ཤུ་རྩ་བརྒྱད་པའོ།། །། དེ་ནས་བཅོམ་ལྡན་འདས་རབ་ཏུ་བསྟན་པ་ཆེན་པོ་ཞེས་བྱ་བའི་ཏིང་ངེ་འཛིན་ལ
219a2 སྙོམས་པར་ཞུགས་ནས། མི་རྒོད་རྣམ་པར་གནོན་པ་ཞེས་བྱ་བ་འདི་གསུངས་སོ།། སྦོམ་པོའི་ཚད་ནི་དྲུག་ཡིན་ཏེ།། སྤྱི་ཡི་ཆོ་ག་ཤེས་པ་ཡིས།། མཚན་ནི་གྲངས་ལྟར་བརྟག་པ་ནས།། གཡོན་ཅན་རྣམ་པར་ཆད་པར
219a3 འགྱུར། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། ཐང་ཤིང་གི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ཉི་ཤུ་རྩ་དགུ་པའོ།། །། དེ་ནས
219a4 བཅོམ་ལྡན་འདས་མི་གཡོ་བ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཞི་བའི་ཚུལ་གྱིས་བསྟན་པ་འདི་གསུངས་སོ།། ཤུག་པའི་ཤིང་ལས་བདུན་པ་བསྒོམ།། ཉི་ཤུ་བདུན་དུ་སྔགས་པ
219a5 ཡིས།། གྲོང་གི་སྒོར་ནི་བཏབ་པ་ཡིས།། ཐམས་ཅད་གཉིད་ཀྱིས་ནོན་པར་འགྱུར།། འདི་ལ་རྣམ་པར་དཔྱད་མི་དགོས།། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ
219a6 ཆེན་པོ་ལས། རྒྱ་ཤུག་གི་ཕུར་པ་བརྟག་པ་ཞེས་བྱ་བའི་ལེའུ་སྟེ་སུམ་བཅུ་པའོ།། །། དེ་ནས་བཅོམ་ལྡན་འདས་བསྡུ་བ་ཕུན་སུམ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གནས་པའི
iiif viewer powered by OpenSeadragon
