| e-texts navigator |
| Wylie |
218a1 འཇིག། ནད་ཀྱིས་ཟིན་ནས་ཉམ་ཟག་འབོད།། དུར་ཁྲོད་དུ་ནི་རྣམ་པར་གདབ།། འདི་ཡིས་ལས་རྣམས་བྱེད་པར་འགྱུར།། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ
218a2 བའི་རྒྱུད་ཀྱི་རྒྱལ་པོ་ཆེན་པོ་ལས། ལྕགས་ཀྱི་ཕུར་པ་སོར་བརྒྱད་པ་རྣམ་པར་བརྟག་པ་སྟེ་ལེའུ་ཉི་ཤུ་རྩ་ལྔ་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི
218a3 བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོས། བདེན་པ་རྣམ་པར་འཇོམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ལྷ་ཡི་དབང་པོ་དབང་དུ་བྱ་བ་འདི་ཉིད་ཀྱི་སྐུ་དང་གསུང
218a4 དང་ཐུགས་རྡོ་རྗེ་རྣམས་ལས་ཕྱུང་ངོ་།། སྦོམ་པོ་ཚད་ནི་བཅུ་གཉིས་པ།། ཙནྡན་ཤིང་ལས་བརྟག་པར་བྱ།། སྤྱི་ཡི་ཆོ་ག་ཤེས་པ་ཡིས།། ཟུག་རྔུའི་སེམས་དང་བྲལ་བ་དེས། ཨོཾ་ཧི་ན་ཧཱུཾ་སྭཱ་ཧཱ།། སྙིང་གར་རྣམ་པར་བསམ
218a5 པའོ།། ལྷ་ཁང་དུ་ནི་བཏབ་པ་ཡིས།། འཁོར་བཅས་དབང་བྱིན་ལ་སོགས་ཡིན།། ཙནྡན་གྱི་ཕུར་པའི་ལས་བརྟག་པའོ།། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ
218a6 ཆེན་པོ་ལས། ཙནྡན་གྱི་ཕུར་པ་རྣམ་པར་བརྟག་པ་ཞེས་བྱ་བའི་ལེའུ་སྟེ་ཉི་ཤུ་རྩ་དྲུག་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ
iiif viewer powered by OpenSeadragon
