| e-texts navigator |
| Wylie |
217a1 མོང་གི་ནི་ཆོ་ག་རྣམས།། མཁས་པས་ལུགས་དང་མཐུན་པར་བྱ།། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས་སེང་ལྡེང་གི་ཕུར་པའི
217a2 ཁྱད་པར་གྱི་ལས་རྣམ་པར་བརྟག་པ་ཞེས་བྱ་བའི་ལེའུ་སྟེ་ཉི་ཤུ་རྩ་བཞི་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས
217a3 བྱེད་ཀྱི་དབང་ཕྱུག་ཆེན་པོས་རྣམ་པར་ཐར་པ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གནམ་ལྕགས་ཀྱི་ཕུར་པ་རྣམ་པར་བརྟག་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང
217a4 ངོ་།། ཧཱུཾ་དང་ཧྲི་དང་ཕཊ་ཀྱི་གཟུགས།། སྤྱི་བོ་སྐེད་པ་རྩེ་མོ་ལ།། རྣམ་པར་བརྟག་པའི་ཕུར་པ་ནི།། སྦོམ་པོ་བརྒྱད་ཀྱི་ཚད་དུ་བྱ།། ཐུན་མོང་གི་ནི་ཆོ་ག་རྣམས།། བཟླས་པའི་རིམ་པར་སྤྱི་ལ་དགོད།། གང་གི་གཟུགས
217a5 ལ་སོགས་པ་དག། མདུན་དུ་བཤད་པའི་རང་བཞིན་ལྟར།། མཁས་པས་དེ་ལྟར་ཤེས་པར་བྱ།། རྫས་ཀྱི་སྦྱོར་བ་གཉིས་བྱས་ཏེ།། དཔྲལ་བར་བླང་བ་གཉིས་ཡིན་ཏེ།། མདུན་དུ་སྔགས་དང་ཕྱག་རྒྱ་ལྟར།། དཔའ་བོས
217a6 འདིར་ནི་ནན་ཏན་བྱ།། པདྨ་ཅན་ལ་གནས་པ་ཡིན།། རྒྱབ་ཀྱི་འཕར་བ་རྩེ་བར་བྱ།། ཟླ་བ་ཚེས་གསུམ་གཉིས་ཀྱིས་ནི།། སྟེང་གི་དཀྱིལ་འཁོར་གཡས་གཡོན་བརྒྱན།། དུ་མའི་གཟི་བརྗིད་ཚང་བར་བྱ།། ཨོཾ་བཛྲ་ཀྲོ་དྷ
iiif viewer powered by OpenSeadragon
