| e-texts navigator |
| Wylie |
216a1 གིས་ངེས་བརྟག་པ། ཁམས་གསུམ་པ་ནི་དུས་གཅིག་ཏུ།། འཁོར་བ་མིང་ཡང་མི་གྲགས་པར།། ཐམས་ཅད་བསྐལ་པར་ཐེ་ཚོམ་མེད།། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ
216a2 མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། རྡོ་རྗེ་ཉིང་ལག་བྱིན་གྱིས་བརླབ་པ་ཞེས་བྱ་བའི་ལེའུ་སྟེ་ཉི་ཤུ་རྩ་གསུམ་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང
216a3 དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོས། རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སེང་ལྡེང་གི་ཕུར་པའི་ཁྱད་པར་གྱི་ལས་རྣམས་བསྟན་པ་ཞེས
216a4 བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་།། སྦོམ་པོ་དང་ནི་སོར་བརྒྱད་པ།། སེང་ལྡེང་ལེགས་པར་གཟུང་བྱས་ནས།། ནམ་མཁའ་རྡོ་རྗེའི་དབུས་གནས་སུ།། ཞི་བའི་དཀྱིལ་འཁོར་བསམ
216a5 པར་བྱ།། རྫས་ཀྱི་སྦྱོར་བ་གཉིས་ཀྱིས་ཀྱང་།། ཕུར་པའི་ཆོ་ག་བྱས་པ་ནི།། ཕྱག་རྒྱ་བཞི་ཡིས་དགུག་པའི་སྔགས།། རྣམ་པར་བརྟག་པ་འདིར་བཤད་པ།། ཛཿཧཱུཾ་བཾ་ཧོཿཆེ་གེ་མོ་ཞིག་པྲ་བེ་ཤ་ཧཱུཾ་ཧཱུཾ། བསྒྲུབ་བྱ་དགུག་པ
216a6 རྣམ་པར་བརྟག་པའོ།། ཨོཾ་བཛྲ་མུད་ག་ར་ཨ་ཀྲོ་ཊ་ཡ། ཐོ་བ་རྣམ་པར་བརྟག་པའོ།། འོད་ཟེར་འཕྲོ་བ་ལྟ་བུའི་ཕྱག་རྒྱ་བཅས་ཏེ། ཨོཾ་ཀརྨ་ཀྲོ་དྷ་ཧཱུཾ། ཉི་ཤུ་རྩ་གཅིག་རྡོ་རྗེ་ལས་ཀྱི་ཕྱག་རྒྱ་རྣམ་པར་བརྟག་པའོ།། དུང་ལྟ
iiif viewer powered by OpenSeadragon
