| e-texts navigator |
| Wylie |
214b1 འཁོར་དུ།། མཁས་པས་ཡང་དག་བསྒྲུབ་པར་བྱ།། ཨོཾ་ཀི་ལ་ཡ། ས་མ་ཡ་མ་ཧ་སཱུརྱ་ཨ་ཙནྡྲ་མ་ཧ་མཎྜ་ལ། ཨོཾ་ཨཱཿཧཱུཾ། ཉི་མ་དང་ཟླ་བའི་རྣམ་པར་བརྟག་པའོ།། དེ་ནས་ཡང་དག་བཤད་པ་ནི།། ཕྱི་རོལ་གྱི་ནི་གྲུབ་པའི
214b2 རྫས།། བྱིན་གྱིས་བརླབ་པ་གསུམ་ཡིན་ཏེ།། རྩ་བ་མགོ་རྣམས་མ་ནོར་བར།། ཕུར་པ་ལེགས་པར་བྱས་པ་ཡི།། སྟེང་དུ་རྒྱ་མདུད་དབུས་གནས་སུ།། སངས་རྒྱས་གདུང་མཆོག་གཞག་པར་བྱ།། དབུས་སམ་གནས་ཀྱི
214b3 རྒྱ་མདུད་ལ།། རིན་ཆེན་གཞག་པར་བྱ་བ་སྟེ།། ཡེ་ཤེས་རྩེ་མོ་མཁས་པ་ཡིས།། ལུག་རུས་འཇིགས་པ་གཞག་པར་བྱ།། ཆོས་ཀྱི་དབྱིངས་ཀྱི་སྙིང་པོ་ཡིས།། སྟེང་གི་དབུས་གནས་བྱིན་གྱིས་བརླབ།། དཀོན་མཆོག
214b4 གསུམ་གྱི་གསང་སྔགས་ཀྱིས།། དབུས་ཀྱི་གནས་སུ་བྱིན་གྱིས་བརླབ།། རྡོ་རྗེ་ཁྲོ་བོ་དུ་མའི་སྔགས།། རྩེ་མོ་དབུས་གནས་བྱིན་གྱིས་བརླབ།། དེ་ནས་མཁས་པས་མཆོད་པ་དང་།། བསྟོད་དང་གསོལ་བ་ལ་སོགས
214b5 ཏེ།། མཆོད་རྟེན་ཆེན་པོར་གཞག་པར་བྱ།། བསྐལ་པ་ཇི་སྲིད་སྟོངས་ན་ཡང་།། ས་དང་ནམ་མཁའ་ཕྱོགས་རྣམས་ཀྱང་།། མཆོད་རྟེན་ཆེན་པོ་ཁོ་ནར་ངེས།། འདི་ལ་རྣམ་པར་དཔྱད་མི་དགོས།། གང་གིས་བསྒྲུབ་པ་མ
214b6 གསུངས་ཀྱང་།། དེ་ལ་འབད་པ་མི་དགོས་པར།། འབྲས་བུ་གྱ་ནོམས་ཕུན་སུམ་ཚོགས།། གང་གིས་ཕུར་པ་བྱིན་གྱིས་བརླབ།། སྔོན་དུ་འགྲོ་བ་མ་རྫོགས་པར།། འཕན་པ་གཞན་ལ་འཇུག་པ་ནི།། བྱེ་མ་ལ་ནི་གསེར
iiif viewer powered by OpenSeadragon
