| e-texts navigator |
| Wylie |
213b1 ཡི།། རྩ་བའི་དབྱིབས་ནི་བཞི་རུ་བྱ།། དེ་ནས་དཔའ་བོས་བཤད་པ་ནི།། བསྐྱེད་དང་བསྡུ་དང་གདུལ་བ་དང་།། བསྒྲུབ་དང་གཏོར་མའི་ལས་སོགས་བྱ།། དབུས་སུ་ཉེ་བར་བསྒྲུབ་པར་འགྱུར།། སོ་སོའི་གསང་སྔགས
213b2 བརྗོད་པར་བྱ།། དེ་ཡིས་བསྒྲུབ་པ་བྱས་པ་སྟེ།། འོག་ཏུ་ཕྲེང་བ་བླང་བས་འགྲུབ།། དེ་ནས་བཤད་པར་བྱ་བ་ནི།། གཅིག་ལའང་རྣམ་པ་བཞི་ཡིན་ཏེ།། རྩེ་མོ་ལ་ནི་ཞི་བ་སྟེ།། རྩ་བ་མངོན་སྤྱོད་ཁོ་ན་སྟེ།། དབུས་མའི
213b3 ལ་རྒྱས་པ་དང་།། དབུ་མ་དང་ནི་སྭཱ་ཧཱ་ཡི།། དབུས་ནས་དབང་གི་ཕུར་པ་བླང་།། དེ་ཡི་ལས་རྣམས་གང་ལ་ཡང་།། སོ་སོའི་ལས་ལ་གང་བསྔགས་པ། ཁྲོ་བོས་ཡང་དག་དབྱིབས་སུ་བྱ།། སྔགས་དང་ཕྱག་རྒྱས་ཡོངས
213b4 སུ་བསྒྲུབ།། འདི་ནི་དམ་ཚིག་ཆེན་པོ་ཡི།། ཕུར་པ་ཉིད་དུ་རྣམ་པར་བཤད།། དེ་ནས་ཡེ་ཤེས་ཆེན་པོ་ཡི།། ཕུར་པ་རང་བཞིན་གནས་ནས་དགུག། གཞུག་དང་བསྟིམ་ཞིང་གནས་པ་ཡི།། དབང་བསྐུར་རབ་གནས
213b5 འབད་པར་བྱ།། ཨོཾ་སརྦ་ཏ་ཐཱ་ག་ཏ་ཀཱ་ཡ་ཀཱི་ལ་ཡ། ཨ་བྷི་ཥིཉྩ་མཽ། སྐུ་རྣམ་པར་བརྟག་པའོ།། ཨོཾ་སརྦ་ཏ་ཐཱ་ག་ཏ་བཱཀ་ཀཱི་ལ་ཡ། ཨོཾ་བྷི་ཥིཉྩ་ཨཱཿགསུང་རྣམ་པར་བརྟག་པའོ།། ཨོཾ་སརྦ་ཏ་ཐཱ་ག་ཏ་ཙིཏྟ་ཀཱི་ལ་ཡ་ཨ་བྷི
213b6 ཥིཉྩ་ཧཱུཾ། ཐུགས་རྣམ་པར་བརྟག་པའོ།། ཨཱིཾ་སརྦ་ཏ་ཐཱ་ག་ཏ་ཀཱི་ལ་ཡ། ཤཱནྟིང་ཀུ་རུ། ཨ་བྷི་ཥིཉྩ་ཧཱུཾ། ཞི་བ་ཆེན་པོ་རྣམ་པར་བརྟག་པའོ།། ཨོཾ་སརྦ་ཏ་ཐཱ་ཏ་ཀཱི་ལ་ཡ། པུཥྚི་ཀུ་རུ་ཨ་བྷི་ཥིཉྩ་ཧཱུཾ། རྒྱས་པ་ཆེན་པོ་རྣམ་པར
iiif viewer powered by OpenSeadragon
