| e-texts navigator |
| Wylie |
212b1 ཡིས།། མཁས་པས་གང་གིས་དོན་རྣམས་འགྲུབ།། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། ཉུང་དཀར་གྱི་རྒྱལ་པོ་དམ་ཚིག་རྣམ་པར་བརྟག་པ
212b2 ཞེས་བྱ་བའི་ལེའུ་སྟེ་ཉི་ཤུ་པའོ།། །། དེ་ནས་བཅོམ་ལྡན་འདས་ལས་ཀྱི་སྦྱོར་བ་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཕུར་པ་ཐམས་ཅད་ཀྱི་རང་བཞིན་ཕུར་བུ་བཅུ་གཉིས་རྣམ
212b3 པར་བསྐྱེད་པ་ཞེས་བྱ་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་།། སྐུ་དང་གསུང་དང་ཐུགས་ཀྱི་རྒྱུད།། ཡོངས་སུ་བརྟག་པ་དུ་མ་ལས།། འབད་པ་མངོན་དུ་བཏོན་པ་དང་།། ཁྱད་པར་ཐབས
212b4 ཀྱིས་གང་ཡང་འགྲུབ།། འདི་ལྟར་ཕུར་པའི་རང་བཞིན་བརྟག་པ་ནི།། མཁས་པ་རྣམས་ཀྱི་སྤྱོད་ཡུལ་ཏེ།། སེང་ལྡེང་དག་ནི་ཙནྡན་དང་། ཚེར་མ་ཅན་དང་། རྨ་ཤིང་དང་། ཤུག་པ་དང་། ཨརྒ་དང་། གཞན་ཡང་ལས
212b5 བཞིའི་མཚན་ཉིད་ཅན་རྣམ་པ་བརྟག་སྟེ། དེ་ཡང་དང་པོར་ཤིང་བསྐྱེད་པར་བྱ་སྟེ། ཐམས་ཅད་ཀྱི་རང་བཞིན་བརྟག་པ་ལ། འདི་ལྟར་མཁས་པས་བརྟག་པ་ན།། ས་གཞི་དཀར་ལས་སྐྱེས་པ་ནི།། བཀྲ་ཤིས་ཞི་བ་ཆ
212b6 བའི་ཤིང་།། རིམ་པར་རྒྱས་དང་དེ་ཡི་མཚན།། ཡུལ་དང་ཤིང་ལས་དབང་དུ་བརྟག། དེ་བཞིན་དྲག་པོ་ལ་སོགས་བརྟག། རྒྱུ་ཡི་ཤིང་རྣམས་མཁས་པ་ཡིས།། སྐྱེ་བའི་ཤིང་ནི་ས་བོན་བརྟག། དེ་དག་ཡོངས་སུ་བསྡུས
iiif viewer powered by OpenSeadragon
