| e-texts navigator |
| Wylie |
212a1 ལས།། གང་དག་གནོད་པ་ངེས་པར་གསོད་པའི་ལས་ཀྱི་སྦྱོར་བ་ཆེན་པོ་ཞེས་བྱ་བའི་ཏིང་ངེ་འཛིན་ཏོ།། དེ་ནས་ཡང་བཅོམ་ལྡན་འདས་ཀྱིས་རྣམ་པར་འགྲོལ་བ་ཞེས་བྱ་བ་ལས། ཀུན་ཏུ་འཇུག་པ་ཞེས
212a2 བྱ་བ་འདི་གསུངས་སོ།། དང་པོས་ལས་རྣམས་འབད་པར་བྱ།། ཐོགས་པ་མེད་པའི་ལས་རྣམས་བྱ།། ཐེ་ཚོམ་མེད་པར་བྱ་བ་ཡིན།། ལས་རྣམས་སོ་སོའི་དངོས་པོ་ལ།། བསྐུལ་བའི་སྒྲ་དང་ལྡན་པར་བྱ།། སྤྱི་དང་ཁྱད།
212a3 པར་སྔགས་དང་རྒྱ།། མཁས་པས་རྡོ་རྗེ་བླ་མ་བརྟེན།། ལས་རྣམས་ཀུན་ལ་བརྟག་པ་ནི།། རྡོ་རྗེ་ཉུང་དཀར་ཡིན་པར་བཤད།། སངས་རྒྱས་མཉེས་པར་བྱེད་པ་དང་།། དགྲ་རྣམས་ཉམས་པར་བྱེད་པས་ན།། རྣལ
212a4 འབྱོར་དངོས་གྲུབ་དམ་པ་ཡི།། ཐམས་ཅད་བསྒྲུབས་པའི་སྔོན་དུ་ནི།། དངོས་པོ་དུ་མས་ཅི་ཞིག་བྱ།། འབད་པ་གཞན་ལ་རྩོལ་བས་ནི།། ནམ་ཡང་འགྲུབ་པར་མི་འགྱུར་རོ།། རྣམ་པ་འདི་ཡིས་ཐམས་ཅད་དུ།། འདི
212a5 དང་གཞན་གྱི་དངོས་པོ་ལ།། བདག་གཞན་སྦྱོར་བ་མི་འགྱུར་བའི།། དངོས་པོ་གཅིག་ཀྱང་གནས་པ་མེད།། དེ་ཕྱིར་ཉུང་དཀར་རྒྱལ་པོའོ།། རིག་འཛིན་མཁས་པས་བསྒྲུབ་པར་བྱ།། སྤྱི་ཡི་ཆོ་ག་མཁས་པ་ཡིས།། དང
212a6 པོའི་གཙུག་ལག་རྫོགས་པར་འགྱུར།། ཤེས་རབ་དང་ནི་སྙིང་རྗེ་ལ།། གང་ཞིག་སྦྱོར་བའི་རྣལ་འབྱོར་གྱིས།། གསང་སྔགས་བརྗོད་པར་བྱ་བ་དང་།། བརྗོད་པ་མེད་པའི་ལས་ལ་མཁས།། ལུས་དང་ཡན་ལག་ཕྱག་རྒྱ
iiif viewer powered by OpenSeadragon
