| e-texts navigator |
| Wylie |
211b1 བསྐྱབས་པ་ལ། ཁ་ནི་ཀུན་ཏུ་གདངས་པ་སྟེ།། དུར་ཁྲོད་རས་དང་ཤིང་དག་ལ།། གང་གི་གཟུགས་ནི་ལེགས་གནས་པ།། དེ་ཡི་ཁར་ནི་ཀུན་ཏུ་གཞུག། ཡི་དྭགས་ཀྱི་ནི་མེ་དང་བཅས།། གདུག་པའི་ཟག་པས་ཕུག་ནས
211b2 ནི།། ཡང་ནི་དཔའ་བོས་དམ་དུ་གཟུང་།། རྣལ་འབྱོར་གཅེར་བུར་གནས་པ་ནི།། གདུག་པའི་རྫས་ཀྱིས་བྱུགས་ནས་ཀྱང་།། ས་བོན་ཆེན་པོ་འཕང་བར་བྱ།། སྐབས་སུ་དཔའ་བོ་འཁོར་བཅས་ཀྱིས།། ཐོར་ལྕོག་བརྐྱང
211b3 ཞིང་ཡན་ལག་གནས།། ཕྱོགས་བཞིར་ཐག་པས་མཁའ་ལ་གཡེང་།། རྣམ་པར་བསྟབ་པ་བྱ་བ་ཡིན།། མཁའ་འགྲོ་འོངས་ཏེ་སྦྱིན་པ་དང་།། འདོད་ལྷའི་ང་རྒྱལ་བརྟན་པར་བྱ།། འདི་ལ་རྣམ་པར་དཔྱད་མི་དགོས།། དེ
211b4 ནས་ཡང་དག་བཤད་བྱ་བ།། འདོད་ལྷའི་ཕུར་པ་ཡང་དག་དང་།། དུར་ཁྲོད་རས་ལ་བྲིས་པ་ཡི།། གཟུགས་བརྙན་ལ་སོགས་མཁས་པས་གསོ།། གྲུ་གསུམ་དབུས་ན་གནས་པ་ཡི།། ལྷོ་ནུབ་བྱང་ཤར་མགོ་རྐང
211b5 བསྟན།། བསྟན་པའི་སྟེང་དུ་ས་བོན་ཏེ།། མཁས་པས་ཡང་དག་འབད་པར་བྱ།། རྡོ་རྗེ་ཟག་པས་བཏགས་ནས་ཀྱང་།། གདུག་པའི་མཚོན་ཆ་དུ་མ་ཡིས།། ཡང་དང་ཡང་དུ་གདབ་པར་བྱ།། འབད་པས་ཆེན་པོའི
211b6 གཟུགས་བརྙན་ཡང་།། བསྲེག་དང་མནན་པ་ལ་སོགས་ཏེ།། གང་དུ་བསྔགས་པའི་ལས་ལ་སྦྱར།། རང་གི་མགོ་བོ་རྡེབ་བྱེད་ཅིང་།། མྱུར་དུ་ཞི་བར་ཐེ་ཚོམ་མེད།། ཉུང་དཀར་གྱི་རྒྱལ་པོ་ཆེན་པོའི་རྣམ་པར་བརྟག་པ
iiif viewer powered by OpenSeadragon
